رد: قطع غيار الشوما ؟؟؟!!!
 

السلام عليكم
الاخ زادجو مع كامل احترامي لوجهه نظرك بس اسمحلي اصححلك شويه حاجات:
1- 55 الف يجيبو سبكترا بحالتها اويجيبو سيراتو الشكل القديم وممكن تراجع الوسيط لو تحب.
2-السيفيا والشوما والنوبيرا والدايهاتسو تيريوس سعر المانيوال فيهم زي الاتوماتك لانه فيه مشاكل وممكن حضرتك تسال اي ميكانيكي بيشتغل في الحديث او تسال بتوع الاستيراد على سحب الفتايس ده كتير ازاي.عشان انا سالت بنفسي
3-بعض قطع الشوما اغلى فعلا من السيفيا واقل توفرا منها زي (الاكصدامات والفوانيس والكبوت)وممن حضرتك تسال محلات قطع الغيار الجديد والاستيراد عشان انا سالتهم بنفسي


انا اعتقد حضرتك شاري عربيتك من فتره وممكن تكون مخدتش بالك انا الاسعار نزلت

رد: قطع غيار الشوما ؟؟؟!!!
 

العربية الى قدامك ديه اخرها لو حالة ممتازة 45 الف

رد: قطع غيار الشوما ؟؟؟!!!
 

الف شكر على النصائح
الحمد لله انا جبت العربية خلاص على 43 ولله الحمد
بس كنت عايزة اسال هو ينفع اغير وش الفوانيس اللى قدام ؟؟؟؟ (الباغة يعنى)
لو ينفع اجيبهم منين لو حد عارف

وبجد الف شكر ليكم

رد: قطع غيار الشوما ؟؟؟!!!
 

السلام عليكم
اولا الف مبروك على العربيه وربنا يديلك خيرها ويكفيكي شرها ..امين
تانيا بخصوص الفوانيس الاماميه ..لو الباغ بتاعها مكسور بيتصب عند بتوع الفوانيس اوبتغيري الفانوس كاملز

لو مصنفر او مطوس (مخربش يعني) انا عامل موضوع عن المشكله ده وملخصه كالتالي:.
توديه يتلمع عند بتوع الفوانيس او تلمعيهم بنفسك كالتالي:
1-تروحي لمحل حدايد وبويات وتطلبي حاجه اسمها كومباوندز
2-تروحي صيدليه وتجيبي عبوه قطن
3-تدلكي الفانوس بالقطن جامد هيرجع يلمع تاني انشاء الله
4-فيه اخ في المنتدى قال ان ممكن نلمع الفانوس بمعجون السنان والفرشه (انا مجربتش الطريقه التانيه ده بس اعتقد انها برضه فعاله)

لو كان مسود من جوه او اضائته ضعيفه. وديه لكهربائي يفكه ويغسله من التراب ويركبه تاني هيكلفك 30 جنيه بالكتيرويرجع ينور كويس.

رد: قطع غيار الشوما ؟؟؟!!!
 

ربنا يبارك فيك على المعلومات الجميلة دى
طيب انا لو حبيت اصبه ايه المحلات اللى فى مصر ممكن اعمل فيها كده ؟؟؟؟
فى حد فى مصر الجديدة