مصر موتورز مجتمع السيارات - هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

رد: هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

اقتباس:

المشاركة الأصلية كتبت بواسطة الصيداح (المشاركة 290108)

أولا أنا ممتن جدا للمشاركة الفعالة هذه
شكرا جزيلا لكم
لكن هناك مشكلة
وهي أني عايز السيارة تكون جاية ستوك كدة من بلد المنشأ
يعني موضوع الجنوط ده بسيطة أكيد هدفع فرق السعر وهيوفروهم مش معضلة
لكن هل ممكن أني أخليهم يعملوا فتحة سقف وهنا في مصر معتقدش أني يجيلي قلب أخليهم يعملوها
بس أنا أقصد أنها تكون جاية بهذا الوضع الذي أريده من بلد المنشأ
باختصار عايزهم يستوردوا لي عربية بهذه المواصفات كطلب خاص

ما رأيكم؟؟

شوف ياباشا على شان التوكيل يعملك الطلب الخاص ده فيه 3 حلول فقط لا غير
الحل الاول هوا اما ان التوكيل يعملك اعاده بناء للسياره فى الورش الخاصه بالتوكيل بدون اى تغير فى الضمان مع زياده السعر
الحل الثانى هوا اما يستوردلك العربيه دى بنفس المواصفات من بره لو العربيه دى بتنزل كده فى الاسواق الاوروبيه ومابتنزلش فى السوق المصرى بالمواصفات دى يعنى هيجيبهالك بدون اى زيادات فى السعر لانه ماغيرش فيها حاجه
الحل الثالث والاخير هوا انه يعملك طلب خاص من المصنع للعربيه بالمواصفات المطلوبه لو العربيه ما بتصنعش اصلا بالمواصافات المطلوبه فى خطوط الانتاج ولم تطرح فى الاسواق بالمواصافات دى فى الحاله دى بقى هتبقى مكلفه اوى لانها هتبقى طلب خاص
بس موجوده فى السوق الاوربى والاسواق الاخرى نفس المواصفات لانه طبيعى ان اى عربيه ما نيوال لازم يكون نازل منها بفتحه سقف او بدون فتحه سقف وده طبيعى فى اى موديل الكلام ده عندنا فى المانيا بس مش عارف بقى مصر توكيلاتها بتطلب موديلاتها بمواصفات معينه ومختلفه عن الاسواق الاخرى ولا لاه
وربنا يوفقك

رد: هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

اقتباس:

المشاركة الأصلية كتبت بواسطة mainz (المشاركة 290316)

تسلم أنت كدة جبت من الأخر
ألف ألف شكر يا غالي
وبالفعل الموضوع مش معضلة لأن طلبي هو زيادة الجنوط الأصلية وفتحة السقف فقط فأكيد برة بتنزل بالمواصفات دي
عموما شكرا لمتابعتك وجزاك الله كل خير

رد: هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

تكمله لكلام الاخوه
الزياده فى السعر مش هتقل عن 20 او 30 الف جنيه
الجنوط ال 16 لوحدها ثمنها فوق ال 10 الاف جنيه ( نفس سعر الجنوط ال 16 للباسات - وهى الشقيقه الكبرى من فولكس فاجن )

لو انت تقدر تستغنى عن فتحه السقف او لو التوكيل رفض الطلب الخاص
انت ممكن تغير الجنوط بنفسك فى التوكيل

رد: هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

اقتباس:

المشاركة الأصلية كتبت بواسطة side view (المشاركة 290533)

تمام شكرا لمتابعتك أخي الغالي لكن
طيب بلاش فتحة السقف
طيب لو أنا عايز أركب جنوط أصلية
هأطلبهم ساعة الإستلام وأركبهم وأكيد هيبقوا موجودين
بس الجنوط العادية اللي هي جاية مع العربية هوديها فين
مش ممكن هما يأخذوها وأدفع أنا فرق السعر عن الجنوط الرياضية
وتبقى العملية مريحة شوية في السعر
ولا ايه رأيكم

رد: هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

اقتباس:

المشاركة الأصلية كتبت بواسطة الصيداح (المشاركة 290704)

انا شايف انه حل مناسب بس غالبا ده هيبقى بعد استلام العربيه
لان المعرض مش بيبقى فيه قطع غيار
ممكن تتصل بمراكز الصيانه تسألهم على الجنوط ال 16 وسعرها وسعر الكاوتش 16
وفرق السعر هيبقى كام
ولو عايز رأيى اسألهم عن الجنوط ال 17 العريضه ( مش فاكر المقاس بالظبط )
الجنط ال 17 شكله اشيك بكتير