مصر موتورز مجتمع السيارات - التويوتا وقعت فى الترعة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - التويوتا وقعت فى الترعة (https://www.masrmotors.com/vb/showthread.php?t=39661)

رد: التويوتا وقعت فى الترعة

الباب إللى يجيلك منه الريح ..................

سده وأستريح

فالأبواب كتير ......قصدى العربيات

رد: العربية وقعت فى الترعة

اقتباس:

المشاركة الأصلية كتبت بواسطة modli2007 (المشاركة 285302)

السلام عليكم
سؤال يا جماعة وأرجو الرد من السادة أصحاب الخبرات
روحت اشتري عربية تويوتا عيون 99 الراجل طالب 47 ألف جنيه العربية الشكل العام جيد والدواخل فبريكة ...
المفاجأة
وعشان دى أول عربية اشتريها سألت على تاريخ العربية عرفت أنها كانت واقعة فى ترعة من فترة شهرين وناس قالت لى مغيرة جنب شمال ووش رادياتير وطالما الميه دخلت فيها سيبك منها ..
كده الكهربة بتاعتها عمرها ما تظبط خاصة وأنها اوتوماتيك..
وبشويه تدقيق لاحظت أن الفانوس الامامى شمال مش شغال
التكييف مش شغال وصاحبه بيقول عايز يشحن بس
الكاسيت مش الاصلي
عداد السرعة مفصول
ياتري كل ده ما اثر المياه
ولا ممكن يصلح
وهتصرف كتير
وهيظهر فيه أعطال مستقبلية
ناس نصحتنى انى ماشتريهاش
ارجو الرد بسرعة قبل ما ادبس وأجيبها
سلامى للجميع

طبعا من غير كلام ما تشتريها واشترى راحة بالك

رد: العربية وقعت فى الترعة

دى باعة خسرانة جدا... 47 الف ممكن تجيب لك حاجة أحسن وكمان شغالة زى الفل.. ابعد عن البيعة دى لان مصارفها أكتر مما ممكن تتخيل. لو الراجل كان عرف يصلحها كان صلحها علشان يبعها أحسن ولكن الظاهر أنه مهمل فى صيانها والعربية متبهدلة تماما. سيبك منها فى ألالف العربيات اللى ممكن تجبها بالثمن دة وتكون شدة حلها

رد: العربية وقعت فى الترعة

يا برنس هاتلك عربية زيرو وريح دماغك من المستعمل اللي متعرفش مخبيلك ايه

رد: التويوتا وقعت فى الترعة

السلام عليكم و رحمة الله و بركاته

الحل الأمثل مع عربية زى دى , أنك تروح عندها و تقف أودامها و بعد كده تلف 180 درجة و بالتالى يبقى ضهرك للعربية و بعديييييييييييييييييييين , تطلق ساقيك للريح و ماتبصش وراك خاااااااااااااااااااااالص .

قال واقعة فى ترعة قال , احنا ناقصين ؟؟؟؟؟ , دا احنا مش خالصين فى اللى ماشية عالأرض , ناخد اللى كانت ماشية فى المية و بعدين على فكرة بأه, ممكن ماتكونش ترعة و ممكن تكون كانت مصرف , يرضيك أنك تركب عربية كانت فى مصرف ؟؟؟؟

MERCEDES S550