مصر موتورز مجتمع السيارات - استطلاع انسب عربية خليجى تاخدها معاك وانت راجع مصر

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

رد: استطلاع انسب عربية خليجى تاخدها معاك وانت راجع مصر

السلام عليكم
كورولا 1600
هشام باهى

رد: استطلاع انسب عربية خليجى تاخدها معاك وانت راجع مصر

ROSE4Uالسلام عليكم و رحمة الله و بركاتهROSE4U

لأن سيادتك محدد نفسك فى اليابانى , بس .

أنا أرشح لسيادتك :

1 - التويوتا كرولا ال 1600 .
2 - الميتسوبيشى لانسر البومة ال 1600

الهوندا سيفيك و المازدا 3 مش منتشرين أوى فى مصر زى الكرولا و اللانسر, عشان كده خليهم الاختيار التالت و الرابع .

و أفضل شئ بالفعل أنك تجيب عربية هناك زيرو و تركبها السنتين التلاتة الأولانيين و تستفيد من كدا حاجة :
1 - أنك راكب عربية زيرو و مش هتصرف عليها و خصوصا أنك هتحافظ عليها و كمان البنزين و الزيت و قطع الغيارهناك فى السعودية أنظف و أضمن من مصر 100 مرة .

2 - أنك هتكون مستفيد بالضمان اللى عالعربية فى الأول .

3 - أنك هتجيب معاك و أنت نازل مصر نهائى عربية خليجى مش توكيل مصرى و لا تقفيل مصرى و انت أكيد عارف ايه عيوب التقفيل المصرى .

و دايما فى العربيات , The common is common , يعنى هات العربية اللى منتشرة فى مصر زى الرز و عليها طلب فى الشرا و حاجتها مرمية فى كل حته , حتى عند البقالين و لا تنساق ورا حد يقولك , ( ايه ده؟؟؟؟ , أنت هتجيب لانسر ولا كرولا زى كل الناس , ده فى مصر دلوقتى , طوب الأرض راكب يا كرولا يا لانسر يا سيراتو يا الانترا ) , ده غلط .

الحكاية دى فكرتنى بواحد صديقى أنف و تنك أوى , و الفلوس اللى معاه على أده و عاوز يركب عربية مفيش منها كتير , هنا فى المنصورة , قام رايح جايب ألفاروميو 147 و يومها قولتله , ما بلاش , دى مالهاش قطع غيار خالص , قاللى , ازااااااااااااااااااى , ده فيه واحدة ست مش عارف اسمها ايه عايشة فى بورسعيد و ابنها فى ايطاليا و بيبعتلها كل قطع غيار الألفاروميو, المهم يشاء السميع العليم أنها تحتاج عمرة لأنها مشيت و مفيهاش زيت , يا سلااااااااااااااااااااااا ام , و الله العظيم, اتنفخ فلوس و العربية مارجعتش زى الأول .

و ربنا ييسرلك الخير كله ان شاء الله

MERCEDES S350

رد: استطلاع انسب عربية خليجى تاخدها معاك وانت راجع مصر

تويتا كرولا 1600 اخيك ابن فنا ن نبيل

رد: استطلاع انسب عربية خليجى تاخدها معاك وانت راجع مصر

مشكور اخى مرسيدس بس لسه رأيك مؤكد فى الكورولا
خبر اول اليوم
واس – طوكيو: أعلنت مجموعة تويوتا اليابانية المصنعة للسيارات، اليوم، سحب مليون ونصف مليون سيارة من الأسواق في العالم، ولا سيما في الولايات المتحدة واليابان، لاحتمال وجود تسرب لسائل الفرامل.

وقال عملاق السيارات الياباني: إنه سيسحب 750 ألف سيارة في الولايات المتحدة و 582 ألفا في اليابان، و 60 ألفاً
خبر تانى
لخلل في تصنيع سنادات عمود الدركسيون
"تويوتا" تستدعي مالكي أفالون بالمملكة

وده خبر عن المرسيدس
ألمانيا – وكالات :
أعلنت شركة مرسيدس بنز مصنعة السيارات اليوم إنها ستستدعي نحو 85 ألف مركبة من طرازات معينة، لعامي 2010 و2011 بسبب أعطال محتملة في مقود التوجيه، ويشمل الاستدعاء، طراز (سي كلاس) 2010 إلى جانب (إي كلاس كوبيه) العادية والقابلة للطي لعامي 2010 و2011 اعتبارا من الشهر الجاري.

شوف كورولا 2011
http://www.toyota4arab.com/upload/i/...iazlrvpmum.jpg
http://www.toyota4arab.com/upload/i/...1jwch62uhp.jpg http://www.toyota4arab.com/upload/i/...l248y2rqt4.jpg http://www.toyota4arab.com/upload/i/...q94j9hf6fa.jpg http://www.toyota4arab.com/upload/i/...7f5fkzn269.jpg http://www.toyota4arab.com/upload/i/...pccymi6g05.jpg http://www.toyota4arab.com/upload/i/...q462ex1yu8.jpg http://www.toyota4arab.com/upload/i/...tzlnglv1a6.jpg http://www.toyota4arab.com/upload/i/...wl3fkpl5ds.jpg
فعلا ممتازة بس بعد مشاكل تويوتا هل مازالت ممتازة وهل فيه فى مصر سيارة اوروبى من نفس الفئة يعتمد عليها انا سمعت مثلا ان الفانتازيا بنفس سعر الكورولا فى مصر هل ممكن تبقى قطع غيارها وصيانتها فى مصر خارج التوكيل سهلة ولا تعذب
الكورولا هنا هى الـ 128 بتاعتهم يعنى احنا عارفين وش الفانوس ب 10 جنيه ووشين مربعين ورا ب 10 جنيه وهكذا
الكورولا هنا كده ليها قطع اصلى وتجارى واى محل تجد فيه الاتنين وفى اى شارع تلاقى بقال وصيدلية ومحل قطع غيار تويوتا
بس السمعة السنة دى طالعة وحشة عليها

رد: استطلاع انسب عربية خليجى تاخدها معاك وانت راجع مصر

طالما انتا بتتكلم في الجمارك

يبقي تجيب الجيتا الجديدة ال 1400 سي سي تربو عربية وهم ومش هتكلفك كتير في الجمارك