رد: تجربتى القذرة مع يونايتد جروب
 

الووووووووووووووووووووووو وووووووووووووووو
الاخوة الاعزاء
رأيكو المشكلة فين لو الرعشة مش مسمعة فى الشكمان ولا فى الrpm؟

رد: تجربتى القذرة مع يونايتد جروب
 

بصراحة يا استاذ خالد انا مكانش معايا نيسان قبل كده فمجربتش حد فيهم تجربه حقيقية بس انا روحت مركز ابوغالى فى العبور وعجبنى جداً من حيث التجهيزات والإدارة وموردن اعرف ناس كتير كانو بيصينو هناك ومحدش اشتكى منهم فهى نصائح من واقع تجارب الاصدقاء والمعارف مش اكتر

بالنسبة للمشكلة اعتقد انها مشكلة engine mounting برضو طالما مفيش اى اثار لمشاكل فى الاشعال

رد: تجربتى القذرة مع يونايتد جروب
 

روق وتحملش هم خالص
حضرتك ممكن ابعتللك نمرة الاستاز خالد حسن مدير فرع زهراء المعادي ودة العنوان بتاع مركز الصيانة لانة واخد رقم واحد في اقريقيا في خدمة نيسان
1علي 3 شارع الاسلكي المعادي الجديدة اما سوبر ماركت مترو
ياريت تبلغنا باخر التطورات

رد: تجربتى القذرة مع يونايتد جروب
 

يا استاذ خالد انا معايا 2011 برده وما اتعملتش غير مع السبع اللي في زهراء المعادي و يصراحة هم محترمينجدا و طبعا حضرتك فاكر لما كتبت موضوع عربيتي اتخربشت في التوكيل كان خربوش صغير جدا بس هم قاللولي احنا بنعتذر و صلحولي الكصدام على حسابهم و قاللولي هنعملك الخبطة اللي في الرفرف اللي كانت اتخبطت مني كتعويض عن الحصل
واعتقد ان ده موقف كويس يبين انهم ناس محترمين
ولو عاوز تليفوناتهم بلغني وانا ابعتهملك
طبعا لازم تحجز وبصراحه هتحس بفرق جامد عن الكلام اللي انت بتقوله عن يونايتد

رد: تجربتى القذرة مع يونايتد جروب
 

اسمحلي اضيف بس معلومه
العنوان بتاع شارع اللاسلكي ده معرض المبيعات اما مركز الصيانه يعتبر بجوار نادي دجلة الرياضي عند المسجد الكويتي في زهراء المعادي
وفي طريقين من على الوتوستراد تنزل نزله زهراء المعادي و تعدي من امام خير زمان و تكمل لحد ما تلاقي المسجد الكويتي على اليمين و بعديه محطة خلط و تخش يمين بعد محطة الخلط لحد ما تلاقي نادي وادي دجلة امامك و تخش شمال لحد مركز السبع
او من نزلة كارفور المعادي و تعدي من امام كارفور بحيث يكون على شمالك وتكمل على طول لحد ما هتلاقي يافطه مكتوب عليها السبع شمال على العمارة اللي في وشك هتروح تعمل u تيرن من اول لفه و ترجع لحد المسجد الكويتي ثم نفس الطريق ارجو ان اكون افدتكم
http://dc12.arabsh.com/i/02198/jozqq877nlmg.jpg
ودي التكملة
http://dc14.arabsh.com/i/02198/rfim27jotfpr.jpg