المشاركة الأصلية كتبت بواسطة tom_gr (المشاركة 262601)

عارف من يفيدك؟

انت بنفسك تفيد نفسك
اقلك ازاى
انزل بنفسك بعد ماتكون جمعت معظم قطع الغيار الى انت ناوى تشتغل فيها واعملها فى ليستا زى بريس ليست
واعملها منها اكتر من كوبى

وانزل بيها على اكتر من تاجر كبير جملة فى الحاجات دى

وقلوله انا مندوب شركة توريدات وكنا عاوزين عرض سعر للاصناف دى

وبعد مايعملهملك انت تكون عرفت سعر السوق الجملة


تانى خطوة
تنزل بورسعيد وتدور على المستوردين بتوع الحاجات دى
او انك تدور عليها فى محافظتك

خطوة اخرى

انك تدور على شركة من الى بتستورد لحساب الغير وتخليها تستوردلك الاصناف والكميات الى انت عاوزها

ونصيحة من اخ له خبره كبيرة فى التجارة

احلم - خطط صح - اعمل سيستم ليك واوعىىىىىىى تخرج عنه - نظم طريقك خطوات وبالترتيب - توكل على الله - وابتدى نفذ واوعى تياس او يجيلك احباط من اى حاجة - وفى كل خطوة استشير اهل الاختصاص مثل ( تجار - محامين - محاسبين - خلافه )

عاوز اسمع عنك سمع حلو واعرف انك اشتغلت وفتحت محلك