مصر موتورز مجتمع السيارات - اسعار الحاجات دي كويسية ولا غاليه

اقتباس:

المشاركة الأصلية كتبت بواسطة owner (المشاركة 279859)

ياجماعة انا عندى سؤال اية انا عايز اركب سماعات لعربيتى بس مش عارف اية احسن نوع ويطلع صوت جامد ارجو الافادة وتحديد السعر وشكرااااااااااااااااااااا اااا

هو مبدأيا ياريت حضرتك كنت أستفسرت فى موضوع لوحده أحسن بس على العموم...

لو حضرتك ناوى تركب من غير أمبليفاير (جى أم) عندك أختيارات من أول السماعات الصينى اللى ب 60 جنيه, صوتها مش حلو وغير نقى ومبتطلعش بيز كويس.

لحد البايونيير والكينوود, بايونيير فى منها حاجات ب 240 جنيه تركب على الكاسيت على طول, وصوتها جامد وهتفرق عن السماعات الأصلية كتير, كينوود فى منها ب 200 جنيه وبرضه أحسن من الأصلى بكتير وهتسمع صوت نضيف جدا.

المذكورين أعلاه كلهم بيضاوى, وهيطلعوا صوت حلو جدا, لو السماعات الأصلية عندك مدورة ياهتحتاج تقص علشان تركب السماعات الجديدة باتركبلهم قواعد يركبوا عليها, ياتجيب سماعات مدورة زى اللى عندك, وهتبقى أرخص وأصغر لكن الصوت مش هيبقى زى البيضاوى.

حاول تجيب حاجة فى حدود 60 watt rms اللى هو 60 وات مستمرعلشان تركب على الكاسيت بتاعك على طول وتشتغل بنضافة, وياريت تجيب وتركب عند متخصص علشان تخلص الموضوع بسرعة ويركبلك صح وميتضحكش عليك.