المشاركة الأصلية كتبت بواسطة mercedes (المشاركة 259487)

أنا كمان الموضوع ده حصل معايا أكتر من مرة فى عربيتنا البيجو القديمة مو 1980 , أنى مثلا لو مسافر من المنصورة الى القاهرة , ألاقى أن العربية أول ماطلع بيها الصبح بعد ماسخنها كويس فى الجراج بتبقى ماشاء الله , لكن بعد ماجرى بيها بتاع ساعة كده , أحس أنها رجعت زى الأول تانى و صوتها و سحبها و تجميها بقى زى الأول , أنا بصراحة هقولكم اللى بييجى فى دماغى ساعتها , أن العربية لما بقوم الصبح وأدورها و أديها حقها فى التسخين, بتكون وصلت للحالة الideal للتشغيل , لكن بعد كده, بيكون الزيت لزوجته قلت زيادة عن اللزوم نتيجة سخونية الموتور و ممكن الطنابير سخنت زيادة عن اللزوم نتيجة الضغط المتكرر على الفرامل أو لو كان فيه تيل بينه و بين الطنبورة حكة و هكدا فى جميع أجزاء السيارة الميكانيكية .

ده رأيى و الله أعلم ( على قد علامى بقه ) .

المشاركة الأصلية كتبت بواسطة horas3000 (المشاركة 259858)

هههههه
انا اللغز ده هيجنني بقاله اكتر من 10 سنين غيرت سقت فيهم عربيات كتير و كلهم عندهم الشعرة اللي ساعة تروح و ساعة تيجي دي

المشاركة الأصلية كتبت بواسطة b A d R (المشاركة 259440)

هههههههههههههههههه يا نهار أبيض يعني فعلا دا بيحصل و مش معايا أنا بس معاكم كمان ؟ .. أنا إفتكرت إني بكبس علي البنزين جامد أو إن الفلاتر اللي غيرتها الأسبوع اللي فات عملت شغلها .. ميرسي يا جماعة بس ياريت اللي يكتشف إيه سر الموضوع دا يقول علشان نعمله و نستفيد منه

و حلوة عربيتك يا حماده ألف مبروك ربنا يباركلك فيها