رد: هو أنا عملت مصيبة ولا أيه يا جماعة؟
 

متخفش مفيش اى حاجه عادى جدا لكن المهم قولى مشيت بل العربيه اد ايه لحد دلوقتى وهل غيرت اللمبه بتاعت النور الصغير ول لسه على فكره انا لسه شارى لمبه من يومين وافتكرتك والله

رد: هو أنا عملت مصيبة ولا أيه يا جماعة؟
 

مفهاش حاجه ياباشا
عااادى

رد: هو أنا عملت مصيبة ولا أيه يا جماعة؟
 

عادى يا عمنا مفيش مشكلة ...

انت بنفسك قولت anti freeze يعنى مانع للتجمد وده سائل كحولى بيتخلط بالمياه فى الريداتير علشان متتجمدش فى المناطق البارده (زى اوروبا اللى عندهم تلج) ..

انما هنا ملهاش اى لازمه (ومعتقدش انها بتتباع اساسا فى مصر)

اهم حاجة لما كونت بتزود الميه كنت مدور ولا لا .. علشان لو مكنتش مدور ممكن الريداتير يكون اتملا ميه بس تنقص بعد لما تدور (علشان مفيش تقليب فالميه مش بتكون ملأت الدورة كلها) ..

وعامه لما تيجى تغير ميه او تزود ميه حاول دايما تدور العربية علشان يحصل تقليب للميه وتحافظ على الموتور (الا لو كان الموتور بارد خالص مش لازم تدور وانتا بتزود) ..

بس ماعتقدش انك غيرتها بنفسك .. صح ؟؟ هههههههه

وبالمناسبة عملت اللمبة ولا لسه وعملت ايه فى حوار الmp3 ؟؟

رد: هو أنا عملت مصيبة ولا أيه يا جماعة؟
 

بقالي 9 سنين في عربيات للانوس وكورسا بحط المية الخضراء عالطول من غير اي اضافات ولكن الميكانيكي في الصيانة كان قالي من حين لاخر فضي الردياتير من المية الخضرا واملية مية عادية علشان تنضف الدورة لا المية الخضرة لما بتتراكم بتعمل حاجات في الموتور فكنت كل شهرين اعمل الموضوع دة والعربيات كانت معايا زي الفل والحمد اللة وانا لسة جايب افيو وهتبع الاسلوب دة معاها ان شاء اللة بس كمان سنة ولاحاجة

رد: هو أنا عملت مصيبة ولا أيه يا جماعة؟
 

أولا أنا متشكر لكل اللى رد أنا الحقيقة كان وحشنى النت اللى كان مقطوع الأسبوع الماضى كله,,

أولا أنا بدأت دروس السواقة كل يوم جمعة أنزل الساعة 6 الصبح ألف بالعربية لحد 7 قبل ما عساكر المرور تستلم الوردية. لان العربية لسة مش مترخصة وكمان أنا لسة مش معايا رخصة. بتعلم فى حته فاضية خالص مفهاش عربيات بتعدى اللى كل كام ساعة والناس قليلة خالص يعنى حتى شبة مهجورة. أنا بحب عربيتى الماتركس جدا أعتقد إنها أفضل عربية فى قعدتها. بحس براحة فى سواقتها بالأخص مع البورستيرنج.

الحقيقة يا حسام أنا اللى غيرت ماية الردياتير وغسلته وهو راكب فى مكانة من خلال حط كام شفشق ماية من الحنفية قبل ما أحط الماية الخضراء. أنا بالنسبة للمابة فلسة مش غيرتها يا كريم. الحقيقة أنا شفت اللمبة ولقيت خلفها حاجة سمرة زى الكلبس فخفت أشد يكون فى زرار بتكى علية قبل السحب. أنا حاولت مرة وبعدين قلت مستعجل على ايه هتمشى بيها فى الظلمة يعنى. لما أرخصها أبقى أغيرها. الحقيقة أنا من النوع اللى بحب أعمل كل حاجة بنفسى يعنى مش هيبقى غريب لو غيرت سير الكاتينة بنفسى لو أتعلمت أزأى اعملها طبعا لانى سمعت إنها حكاية صعبة خالص..

كشفت على الزيت وزوته شوية لان التاجر كان مدينى الزيت فى النص بين مؤشر min و max لما زوت الزيت وغيرت الماية بقى صوت الماتور مش مسموع لدرجة إن كام مرة أدور المارش لما اسيب العربية ومش أفتكر إذا كنت طفتها ولا لا وأكتشف أن الماتور دائر....

الأسبوع دة رايح أطلع رخصة للعربية بعد ما وصل ورقها وكمان هطلع رخصة سواقة وساعتها يبدأ الامتحان الحقيقة بالسواقة بجانب العربيات فى الشارع لانى لحد دلوقتى مش سقت بجانب العربيات.

أما بالنسبة لل mp3،،،، الحقيقة أنا جبت الشريط اللى بيتوصل بالموبيل وبتحط فى الكاست. أشتريته 10 جنية ( صينى طبعا) أستعملته كام مرة وأعتقد إن هذا أفضل حل على الطلاق لان مشاكلة قليلة. يعنى اصعب حاجة ممكن تحصل إن الشريط يبوظ أقوم شارى غيرة وخلاص أما mp3 موديولاتور اللى بيتحط فى ولاعة السجائر فممكن يخلى المقاومة تضرب لان بتكون حمل على ولاعة السجائر زى ما قرات فى عدد من المنتديات الاجنبية....
متشكر على كل من سأل عنى.... وبالاخص الاخ كريم وحسام