مصر موتورز مجتمع السيارات
صفحة 2 من 4 1 2 34
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   كيا KIA (https://www.masrmotors.com/vb/forumdisplay.php?f=38)
-   -   اصلاح تابلوه السيفيا والشوما (https://www.masrmotors.com/vb/showthread.php?t=36512)

sharooo 19-10-2010 12:03 AM
رد: اصلاح تابلوه السيفيا والشوما
 
السلام عليكم الله يبارم فيك
للاسف نسيت كلمه السر ومش عارف ادخل ف عملت حساب جديد ودخلت بيه
جمال مهران كهربائي والتبلوه اتعمل كويس والحمد لله وخليته غسلي التلاجه وغيرلي السربنتينه وشحنلي الفريون وراجعلي على كهربه العربيه وغيرلي مفتاح النور وشويه حاجات تانيه بس للاسف مصورتش عربيتي
ربنا يسهل صاحبيي معاه شوما وهيعمل التابلوه وهصور قبل وبعدوارفع الصور انشاءالله

sameh_saso 20-10-2010 11:57 PM
رد: اصلاح تابلوه السيفيا والشوما
 
شارووووووو الف شكر علي كل معلوماتك القيمة
انا بالفعل روحت محل تارجت واشتريت الهويات زي ما انت قلت بالضبط
واتصلت بجمال مهران وعرفت عنوان الورشة وقالي لازم تقولي قبليها باسبوع علشان يحدد معايا ميعاد لعمل التابلوه فارجو من حضرتك تتوسطلي عنده بليز ممكن.

sharooo 21-10-2010 12:55 PM
رد: اصلاح تابلوه السيفيا والشوما
 
السلام عليكم
شوف يا باشا جمال بيشتغل في توكيل وبيروح متأخر على الورشه وبعدين على البيت عشان كده وقت الورشه بيكون محدود جدا
التابلوه بياخد وقت 4 ساعات او اكترعشان كده هو قلك قبلها باسبوع عشان عنده زباين كتير محدده مواعيد معاه وعشان بيحب يدي الشغل حقه لكن هو محترم جدا ومش محتاج واسطه ومش هيفتكرني الا لو قلتلو مهندس محمد الي معاه السيفيا الزيتي و بالمناسبه هوميعرفش اني حطيته على المنتدى
الورشه اصلا بتاعه اخوه واخوه ميكانيكي تنك جدا وغالي بغباء وتجربتي معاه كانت سيئه للغايه من ناحيه المواعيد والتقدير
انت بس خليك مع جمال اديله وقته وهيزبطك انشاء الله وهتتبسط بالتابلوه جدا

retaliation 20-02-2011 05:29 PM
رد: اصلاح تابلوه السيفيا والشوما
 
السلام عليكم ورحمه الله
أنا عندى أستفسار عشان أن شاء الله ناوى أعمل التابلوه خلال الايام اللى جايه فكنت عايز أعرف الهوايات تعمل فى حدود كام و الراجل اللى قلى أعملهولك هو بتاع فيبر كنت عملت عنده الاكصدام والمرايا و قالى هعملهولك و قال هيتكلف فى حدود 80 جنيه بس أنا قلتله لما أشترى الهوايات الأول

sharooo 10-03-2011 10:03 PM
رد: اصلاح تابلوه السيفيا والشوما
 
اقتباس:
المشاركة الأصلية كتبت بواسطة retaliation (المشاركة 361962)
السلام عليكم ورحمه الله
أنا عندى أستفسار عشان أن شاء الله ناوى أعمل التابلوه خلال الايام اللى جايه فكنت عايز أعرف الهوايات تعمل فى حدود كام و الراجل اللى قلى أعملهولك هو بتاع فيبر كنت عملت عنده الاكصدام والمرايا و قالى هعملهولك و قال هيتكلف فى حدود 80 جنيه بس أنا قلتله لما أشترى الهوايات الأول
الهوايات ب 75 جنيه (الاتنين) عند شركه تارجت الي كتبت تلفوناتهم في الاول


الساعة الآن 07:10 PM.
صفحة 2 من 4 1 2 34
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017