مصر موتورز مجتمع السيارات - ماروتي أو ألتو جديدة و لا أحسن حاجة مستعملة في حدود نفس السعر

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: ماروتي أو ألتو جديدة و لا أحسن حاجة مستعملة في حدود نفس السعر

ديه الحاجات اللى ممكن تلاقى فيها موديلات عالية فى نفس السعر

بيكانتو : ممتازة جدا فى الشريحة ديه صناعة كورى 100% اسعار الصيانة وقطع الغيار متوسطة والتوكيل كويس

فيات سيينا : بصراحة الموديلات الجديدة معرفش عنها حاجة (تقريباً صينى) التوكيل وحش جدا وده ينطبق على الباليو برضو ده لو ملقيتهاش اغلى كمان

فيات بونتو : نفس الكلام بخصوص قطع الغيار (غالية) والصيانة والتوكيل لكن هيا عربية ممتازة

بوينتر : عربية تحمل علامة فولكس بجودة متوسطة والتوكيل وقطع الغيار مش قد كده خالص

رينو كليو: قطع غيارها منتشرة برة التوكيل باسعار متوسطة والعربية عامة كويسة

كيا برايد (سابا) : اعتمادية عالية قطع غيار رخيصة ومنتشرة بس تقفيل سىء وصالون تصميمة قديم (نفس مستوى الماروتى تقريباً

هيونداى اتوس : منصحكش بيها لانها مش حمل سفر وتحميل ومؤرفة فى صيانتها

فيات اونو : نفس الكلام بالنسبة للسيينا معرفش الموديلات الجديدة حالها ايه بس عامة العربية تصميمها عملى وفى الغالب الجديد بيستخدم فيه نفس قطع غيار الموديلات القديمة وبالتالى قطع الغيار منتشرة

علشان كده ارشحلك البيكانتو فى المقام الاول والبرايد بعدها

رد: ماروتي أو ألتو جديدة و لا أحسن حاجة مستعملة في حدود نفس السعر

انصحك
يا ابو حبيبة انك تدفع المبلغ ده مقدمة عربية شيفرولية دايو مثلا او اى عربية كبيرة تكون جديدة وواسعة وباقى المبلغ ممكن تقسطه مش هيكون كبير وفى نفس الوقت تكون عربية ان شاء الله تعيش معاك وماتحتاجش تغيرها

رد: ماروتي أو ألتو جديدة و لا أحسن حاجة مستعملة في حدود نفس السعر

جزاكم الله خيرا على هذه النصائح

رد: ماروتي أو ألتو جديدة و لا أحسن حاجة مستعملة في حدود نفس السعر

انا كنت في نفس حيرتك دي

و في الاخر قررت ادفع مقدم و اقسط

بس كل واحد ليه ظروفه

و السبب اللي خلاني اقرر كده

اني لقيت المستعمل مبالغ في سعره و دايما تلاقيه يخوف

عموما اكيد الزيرو افضل

ثانيا في المستعمل لا تهتم سوي بالحالة ثم الحالة ثم الحالة