مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - Mp3 Car (https://www.masrmotors.com/vb/showthread.php?t=35612)

اقتباس:

المشاركة الأصلية كتبت بواسطة retaliation (المشاركة 251861)

السلام عليكم و رحمه الله
أنا أستفدت كتير من كلامك لان عندى نفس الحكايه بس كان عندى سؤال هو الموديوليتور ده بيقرا أسم الاغنيه اللى شغاله و لا ايه ؟ و (شكرا مقدما)

أيوه ياباشا بيقرأ أسمها, ولو لاحظت الصورة دى هتلاقى الأسم موجود (08mp3) فى نص الشاشة, ولو الأسم طويل بيتحرك جانبيا, حرف يظهر من اليمين وحرف يختفى من الشمال, دلع يعنى:)

http://www.money-specialist.com/wp-c...cd_display.jpg

والعفو مؤخرا:)

متشكر يا إنجيكشن. فعلا كلامك مفيد جدا.. ربنا يبارك فيك

اقتباس:

المشاركة الأصلية كتبت بواسطة Injection (المشاركة 251863)

أيوه ياباشا بيقرأ أسمها, ولو لاحظت الصورة دى هتلاقى الأسم موجود (08mp3) فى نص الشاشة, ولو الأسم طويل بيتحرك جانبيا, حرف يظهر من اليمين وحرف يختفى من الشمال, دلع يعنى:)

والعفو مؤخرا:)

شكرا ياريس على الرد والدلع ده كله yesyes

الحقيقة أنا جبت كاست أدابتور cassette adaptor اللى يشبة كاست الراديو وبيتوصل بالموبيل أو ال MP3 الحقيقة إختراع رائع ويحل المشاكل ورخيص الثمن ( إشتراته 10 جنية) أنا خفت أجيب الموديولاتور لانى سمعت إنه بعض الأنواع بتعمل تحميل على الفيوز فيضرب بسرعة...

هل ممكن نتكلم شوية عن أعطال الكاست أدابتور بمعنى ما مدة عمل هذا الشريط الذى يوضع فى المسجل؟ هل ممكن يعدى سنة أو سنتين بالشغل العادى ( 3 ساعات شغل يوميا)؟؟؟

فى أنواع كثيرة منه وبتختلف فى الثمن من 5 إلى 20 جنية زى مل سمعت فما الفرق بين هذه الأنواع؟ هل هناك مميزات فى بعض الأنواع لا تتوفر للأنواع الأخرى؟

الشريط بيقعد حسب أستخدام حضرتك ليه, تمنه جملة مايكملش 5 جنيه وصينى, وزى أى حاجة من النوعية دى بيحتاج أستخدام "رقيق" وغير قاسى, بس لبساطة تصميمه هيعيش كتير.

فيه أنواع وكواليتى كتير بتختلف حسب الأسعار, يعنى فيه شرايط زى ده, بتشغل ميمورى وفلاشة وفيها ذاكرة داخلية 256 ميجا, ووو, وأمريكى والثمن طبعا بنفس المميزات.

http://cdn.gadgetvenue.com/wp-conten...obiblu-mp3.jpg

وفيه حاجات تانية بتتباع فى فى راديو شاك زى اللى مع حضرتك أو مختلفة فى اللون, بس المواد المصنوعة منها نضيفة جدا وبتستحمل كل حاجة, ونقلها للصوت أحسن بكتير من اللى مع حضرتك, بس السعر هيبقى فى حدود 100 جنيه.

وللأسف بما ان الصين بتقلد كل حاجة بكواليتى زبالة مافيش غير المحلات الكبيرة أوى زى راديو شاك وغيره هى اللى بتجيب كواليتى عالى, لأن حضرتك لورحت محل تشوف الشريط ده ولقيته ب 50 مثلا ورحت محل تانى لقيته ب 10, 99.5% هتشترى اللى ب10 رغم أن نوعيته سيئة, وده خلى التجار يبطلوا يجيبوا حاجات نضيفة.