رد: محتار و نفسى افهم
 

معلش انا كنت ردى اثناء مااحمد انور بكتب رده فمشوفتش رده الا بعد ما رديت انا

لسه كنت بقول لايمن على الماسنجر ان مينفعش نحط الكورى مع الصينى فى سلة واحدة زى ما الكورى مش زى اليابانى بالنسبة للاوربى

انا معاك يا احمد فى ان الصينى صفقو رابحة بحساب الشكل والكماليات والمواصفات كمان بس لسه اسعار الصيانة وقطع الغيار عليها علامات تعجب كتير وللاسف الحقيقة ديه بتبقى غايبة عن ناس كتير ومبيعرفوهاش الا لما يشترو العربية فعلا واعتقد لو فضل الحال على كده الصينى هيبقى مشكلة

لكن مع اللى الواحد شايفة عالمياً من تطور فى الصناعة الصينية وغزو لجميع اسواق العالم حتى اسواق الكبار (اوروبا وامريكا الشمالية) ومع اتجاه الكبار للتصنيع فى الصين لتوفير تكاليف التصنيع وده هيزيد اكتر مع الازمة المالية العالمية حالياً ولو ربطناه محليا بانتشار حقيقى لموديلات كتير صينى اقدر اتوقع ان قطع الغيار هتلاقى سكتها للناس برة التوكيل وهيبقى لها اكتر من مصدر من الصين بردو باسعار ارخص بكتير وبجوده متفاوتة وساعتها الوضع هيختلف جدا

رد: محتار و نفسى افهم
 

انا مقلتش يا باشا انه صفقة رابحة

انا قولت معادلتي الخاصة ،،

و اللي لسه الصيني مش محققها في وجهة نظري

و اللي مش من ضمنها بالنسبة ليا التاريخ و الاسم و الحضارة و الكلام ده

لكن انا ضد مهاجمته بضراوة و خلاااص

يوم ما يحقق المعادلة يبقي زي الفل ،،،

رد: محتار و نفسى افهم
 

رد: محتار و نفسى افهم
 

انا قريت كل الكلام الجميل ده طبعا بس برده ماحدش رد عليا ......
ايه هى الأوبشنس و الكماليات الرهيبه اللى فى الصينى ؟؟؟
التكييف ..... بقى ستاندرد فى معظم العربيات لكن بتاع الصينى مش بيسقع .
السنتر..... برده بقى ستاندرد و ممكن تركبه ب 150 جنيه (يعنى مش كماليات صعبه الأضافه).
الأنذار ..... نفس موضوع السنتر .
وحدات رفع الزجاج...... نفس موضوع السنتر و الأنذار .
الباور .... معظم العربيات دلوقتى بتزل بيه او بيبقى هاف باور فى اسواء الأحوال و اخف من الفول باور بتاع الصينى.
الزجاج الكهرباء .... برده عربيات كتير بتنزل بيه و لو مانزلتش فممكن تركبه و لو ماركبتوش مش ده اللى هايخليك تشترى عربيه صينى علشان يبقى فيها ازاز كهربا :-)
نيجى للمهم اللى هو ABS و ده مش موجود فى معظم العربيات ذات الفئه المتوسطه المحترمه و فى نفس الوقت الصينى اللى فيها ABS مش بالكفائه التامه بدليل ان كتير من الناس اشتكشت و بتقول العربيه لفت بيا او العربيه اتزحلقت و متهيألى كتير مننا سمع الكلام ده فبالتالى مش هاخسر فلوسى و اجيب عربيه صينى علشان اوبشنس وحيد زياده و غير فعال و اساسى .
وسائد هوائيه ..... نفس الكلام بالنسبه لل ABS و نفس الشكاوى ..... الوساده مافتحتش , او الوساده فتحت مع مطب عادى !!!!

يبقى ناقص ايه ؟؟؟
ناقص ان الوكيل اللى بيجيب العربيه الصينى يمد ايده فى جيبك و ياخد الفلوس و حتى ما يدكش عربيه تروح بيها و يقولك كفايه انك اتقرجت عليها علشان العربيات دى ما بتمشيش فى شوارع القاهره لأنها مش من مقامها هههههه

نرجع نقول ان المقارنه بين الكورى و اليابانى و الصينى ليست فى محلها اطلاقا بدليـــــــــــــــــــــ ــــل
ادخل على اى موقع اوروبى او امريكى هتلاقى العربيات اليابانى سعرها زى الكورى يعنى على نفس المستوى التقنى و العملى ...... و هنا انا ليا وقفه .. ليـــــــــــه ؟؟؟
لأن فى الدول دى العربيه ما بتعش مع حد اكتر من خمس سنين .... يبقى دى زى دى بالظبط .
و لكن عندنا عايزين نورث العربيه لولادنا وولاد ولادنا يبقى بالتالى اليابانى يتفوق فى العمر الأفتراضى فبالتالى سعره اعلى قليلا عندنا من الكورى و لكن بنفس الكفاءه و الأداء حتى فتره معينه من الزمن ........
و انما بالنسبه للصينى اساسا مابيدخلش البلاد المحترمه اللى بنتكلم عليها و بالتالى فهو مرفوض مرفوض يا ولدى .

رد: محتار و نفسى افهم
 

ايه يا شباب .... فين النقاش ؟؟