رد: الحمد لله جبت كريستالة
 

ألف مليون مبروك ربنا يحافظلك عليها اختيار صح و موش هتندم عليها ان شاء الله

رد: الحمد لله جبت كريستالة
 

الله يبارك فيكم و يبارك لكم
و بإذن الله يكون اختيار موفق من رب العالمين
بس بيني و بينكم
انا بقالي فتره ما سوقتش اوتوماتك
عشان كده كنت حاسس اني محتاس بيها
لدرجة انه اول يوم العيال عملوا فرح و صمموا يخرجوا يتفسحوا
كان نفسي العربيه ال 127 تبقى معايا
بس انا كنت مرعوب منها
ما كنتش عارف اتعامل معاها
رده فعل الاوتوماتك على دوسة البنزين مختلفه عن المانيوال
لكن ربنا ستر
و الحمد لله دلوقتي الوضع كويس
بس برضه محدش قالي اغير ايه و اسيب ايه ؟؟؟؟؟؟؟؟؟؟
اقصد السيور و الزيوت و..........

رد: الحمد لله جبت كريستالة
 

الاستاذ حازم شكله كده واخد اجازه
ربنا يسهله يا عم ....
اللهم لا حسد ....
هههههههههههه
محتاجينك ف الموضوع ده يا باشا
سلام

رد: الحمد لله جبت كريستالة
 

الف مروك اختيار موفق
غير سير الكاتينه ب 60 ج +20 مصنعيه
وغير فلتر الزيت والزيت وانصحك بموبل 1 xhp يعمل 3000 كيلو الراحه
ولو ممكن فلتر هوا
وخلي الميكانيكي يبص علي اي حاجة عايزة تظبط

رد: الحمد لله جبت كريستالة
 

مبروك اولا....
حضرتك محتاج تعمل طقم سيرفيس (صيانه عاديه يعني )لانك ما تضمنش اللي قبلك
اربع بوجيهات+فلتر بنزين+كشف تيل فرامل امامي و خلفي و تشوف محتاجين تغيير و لا لاء (مفروض تعمل كده كل 10 الاف كيلومتر)
طقم سيور (كاتينه و ده مهم جدا جدا+دينمو+تكييف كمان على ما اعتقد)+فلتر هواء (مفروض تعمل كده كل 25 الف كيلومتر
طبعا مفروض هتغير زيت و حضرتك بتقول غيرتو (لو لفترضنا انه معمول عشان يعد 2000 كيلو متر يبقى هنغير كل 2000 كيلومتر في الشتاء و 1500 كيلومتر في الصيف -انا بعمل كده الحقيقه ومش هتفرق قوي بس احسن للعربيه)
و طبعا الميكانيكي ياخد بصه كويسه عشان لو في حاجه محناجه تصليح او تظبيط من الاول عشان ما تزعلكشي قدام.....يستحسن يكون واحد بيشتغل في اللانسر
مبروك مره تانيه.........

00e72c5d9-daf8-45f9-87b7-453ba7346111
1.03.01