رد: محتاج مساعدة ضروري من أهل الخبرة - الحرارة بتعلي
 

و الله اعلم لو كانت ثرموستا ت الكوعة معلقة كانت سخنت برضه مع التكييف
بس تحليل حضرتك الاخير ان الموضوع مبيحصلش مع التكييف و برضه انه بقت بتاخد وقت ازيد من الطبيعى لغاية لما المراوح تبتدى تشتغل
للاسباب دى انا ميال اكتر ان السبب من ثرموستات المروحة (حساس درجة حرارة مياه التبريد)
و فى رايى انها اسهل بكتير من ثرموستات الكوعة فلازم نستبعدها الاول عسى و الله اعلم السبب يكون منها قبل ما ندخل فى متاهات
+ انها لو ثرموستات الكوعة بتعلق قافلة و الله لو الرادياتير راكب عليه 100 مروحة برضة حتسخن لان الميه مش حتروح للرادياتير اصلا
و لو معلقة فاتحة العربية حتبرد (عن الطبيعى) على الطرق السريعة و برضه ده مش كويس
بس ده مبيحصلش عندك
علشان كده انا ميال للثرموستات الكهرباء الى بتشغل المراوح
f86b1903-b5fd-40b6-b1c0-d14776472b48
1.03.01

رد: محتاج مساعدة ضروري من أهل الخبرة - الحرارة بتعلي
 

أنا فكرت في كلام حضرتك ولقيته منطقي ، وبالصدفة لقيت كهربائي فاتح النهارده رحت وسألته قالي برضه نفس الكلام إنها ترموستات المروحة ، فإن شاء الله تكون بسيطة وبعد العيد أبقي أركبها وأغيرها ، ومتشكر جدا جدا لرد حضرتك ، وجزاك الله كل خير ، وكل سنه وحضرتك طيب .

رد: محتاج مساعدة ضروري من أهل الخبرة - الحرارة بتعلي
 

و حضرتك بالصحة و السلامة و متنساش تطمنا

رد: محتاج مساعدة ضروري من أهل الخبرة - الحرارة بتعلي
 

و حضرتك بالصحة و السلامة و متنساش تطمنا

رد: محتاج مساعدة ضروري من أهل الخبرة - الحرارة بتعلي
 

ممكن حضرتك تعمل اختبار بسيط لما تسخن منك العربية ..

وانت واقف تمور وتزود بنزين جامد لغايه 5 ار بى ام مثلا لمدة 5 - 10 ثوانى لو نزلت معاك الحرارة هتبقى دى مشكلة المروحة فعلا محتاجة ثرموستات (ساعة) بس دى غالية شوية يعنى فى حدود 200 جنية مثلا بس تختلف حسب نوع العربية لان السعر ده فى الحاجات الاستيراد وانت عربيتك 2010 ....

بس ان شاء الله بسيطة لانى كان عندى نفس المشكلة بس المروحة كانت فاصله خالص ...