رد: سؤال لأصحاب الخبرة فى أسعار السيارات المستعملة
 

طيب و انا رايح اشترى الرينو المستعمل لازم يكون معايا حد بيفهم فى الرينو ولا ممكن اى ميكانيكى يكشف عادى على العربية

رد: سؤال لأصحاب الخبرة فى أسعار السيارات المستعملة
 

لو ناوى على الكليو وانت طالع يبقى عليك وعلى التوكيل علطول ، بيتهيألى هيا كلها 100 جنيه وحايطلعلك تقرير مفصل فيه أصل وفصل العربية احسن من نصب الميكانيكية وغشومية بعضهم .

رد: سؤال لأصحاب الخبرة فى أسعار السيارات المستعملة
 

يعنى مبدايا ممكن ابص عليها انا و لو تمام نطلع على التوكيل
طب التوكيل فين وايه اللى بيتم بالضبط و ايامه ايه احسن يطلع يوم اجازة ولا حاجة
اصل انا خلاص نويت على كليو ان شاء الله ( بعد قرف التقسيط للجديد )
و بدور على حاجة استخدام نضيف ( اقصاها 50000 كم ) من موديل 2003 - 2005
المفروض لو العربية تمام تعمل كام 1200 سى سى

رد: سؤال لأصحاب الخبرة فى أسعار السيارات المستعملة
 

صح كده

التوكيل اسمه EIM واللى اعرفه انه ليه مركزين خدمة فى القاهرة واحد فى المقطم والتانى فى العبور وفيه واحد كمان فى الاسكندرية فى العامرية ، وليهم كمان رقم مختصر لو دورت عليه هنا حتلاقيه علشان تبقى تتصل بيهم وتعرف مواعيدهم وتفهم اجرائتهم .

ربنا يكرمك بعربية كويسة ان شاء الله والكليو اختيار موفق أنا برضو ناوى عليها بإذن الله

بص يا جميل أنا لسه كنت شايف موضوع كده لو طلع حقيقى يبقى جامد قوى وهو ان توكيل رينو بيبيع مستعمل ، القصة دى أنا قرأتها فى منتدى تانى مش حاينفع احط الرابط بتاعه بس الخلاصة ان فيه مكان تبع الوكيل عند ميدان المحكمة فى مصر الجديدة بيبيع مستعمل والخبر على عهدة الراوى ، لو عندك وقت روح بص عليهم بصة كده وشوف ايه النظام .

على حسب متطلباتك أنت عايز عربية اقتصادية وموفرة فى البنزين يبقى عليك وال 1200 عايز عربية سحب وقوة يبقى ال 1400 .

والله اعلم

رد: سؤال لأصحاب الخبرة فى أسعار السيارات المستعملة
 

ان شاء الله اشوف حاجتين بعد العيد كده ولو ربنا ما ارادش يبقى اروح المكان ده بعد الامتحانات
و عموما انا مش فارقة معايا 1200 او 1400 بس المهم السعر عندى انا معايا شاكب راكب يعنى 45000 للعربية و الترخيص و لو فى حاجة عايزة تتعمل و اطمع فى الباقى و اطفش ,,, هههه ,,,, انا اقصد يعنى هتبقى فى الحدود دى ولا لا