مصر موتورز مجتمع السيارات - تويوتا افينسس من داخل التوكيل (حازم خضر)

اقتباس:

عربية خطيرة بس انا سامع انها كاسرة 200 الف جنيه و المشكلة انها مانيوال

فعلا يا باشا اسعارها زي ما انا كاتب كده 205 و 238 الف للاتوماتيك!!!

اقتباس:

عربيه ملهاش حل ما شاء الله شكلها احلى من الباسات

هيا حلوه علشان شكلها جديد علي عنيك بس لكن بعد فتره حتلاحظ ان الباسات شكلها اشيك بكتير

اقتباس:

المشاركة الأصلية كتبت بواسطة karem ali (المشاركة 237515)

بجد العربيه روعه لكن فعلا التمن مبالغ فيه جدا جدا يعنى مثلا انا لو معايه المبلغ ده اجيب بيه جيتا من غير كلام ولا ايه رايك؟

بالضبط يا كريم تمنها مغالي فيه شويه لكن هيا اذواق

اقتباس:

المشاركة الأصلية كتبت بواسطة fares515 (المشاركة 237529)

انا رايي انها منافس صعب للجيتا وممكن بتتفوق علهيا في بعض الحاجات بس مشكلتها انها مانيوااااااااااال!!
  على فكره يا أستاذ حازم مفيش غير صوره واحده هي اللى ظاهره والباقي كله مش ظاهر

ماهو فيه منها اتوماتيك و ب 238 الف و موتور 1600 برضه.
علي فكره انا صغرت الصور و رفعتها تاني
اعمل ريفريش للصفحه حتظهر معاك ان شاء الله

اقتباس:

المشاركة الأصلية كتبت بواسطة bmkbmk (المشاركة 237710)

الف شكر يا باشا على التقرير
بصراحة سعرها غالى جدا ... و لو هجيب افينسيس مانيوال يبقى اجيب سوبيرب مانوال احسن
او طبعا اى حاجة من البدائل اللى احسن منها بمراحل و اوتوماتيك و فل اوبشن زى الجيتا او الاوكتافيا ...و لو الباسات سعرها قريب يبقى هى احسن طبعا
و فيه سؤال .. هى العربية دى مابتنزلش غير فى مصر ؟؟؟؟ لأنها مش موجودة فى الخليج اطلاقا

الافنسيس بتيجي من انجلترا يا محمد باشا مش ياباني و دا ممكن السبب اللي بيخليها مش بتيجي عندكم
بصراحه السوبرب من جوه شكلها افخم بس مشكلتها الف 1400 تيربو و التربو محتاج بنزين 95 و اعلي

اقتباس:

المشاركة الأصلية كتبت بواسطة مهند سالم (المشاركة 237746)

عربية ممتازة وسعرها زيادة

شكرا علي مداخلتك يا استاذ مهند فعلا السعر غالي شويه

اقتباس:

المشاركة الأصلية كتبت بواسطة احمد بدر1978 (المشاركة 237751)

تسلم ايدك يا استاذ حازم دائما ممتعنا بمواضيعك الممتازة
عربية جميلة وتصوير اجمل بس سعر غالى عليها جدا

الله يخليك يا احمد باشا دا بس من زوقك عقبالك كده ما تجيب منها :)