رد: العربيه بتسخن مع التكيف
 

التكييف يضيف حمل ميكانيكى على المحرك بالاضافة الى حمل اضافى على دورة التبريد نفسها لأنه يصدر سخونة اضافية.
مشكلة سخونة السيارة مع التكييف لها عدة اسباب,
-اتساخ السربتينة و تنظيفها عملية بسيطة فى اى محطة بنزين.
-ضعف دورة التبريد النسبى نتيجة للتقادم و الصدأ فى الرادياتير, أو ضعف مروحة الرادياتير, أو صدأ فى ثرموستات الكوع.
-هناك سبب اخر و هو حدوث عطب بأمبير الحرارة نفسه و تأثره بسخونة التكييف أو سلك الارضى, و ده ممكن جدا خاصة اذا كانت الحرارة تظل ثابتة عند حد معين.
- اكشف على مروحة السربتينة و هل تعمل ام لا.

رد: العربيه بتسخن مع التكيف
 

التكيف شحنته من قتره قريبه
وبشغله علي وضعيه التدوير من جوا العربيه
اخر نوع زيت حطيته التعاون
والرادتير منضفه قريب هو والتكيف

لكن الحاجات الي حضراتكوا قلتوا عليها الثرموستات وبلية الكباس وحساس المياه ومروحة السربنتينه ماكشفتش عنها
الواحد مالوش خبره ف الحاجات دي

انا كان قصدي ف السؤال التاني علي السرعات العاليا فوق 90 التكيف مش بيطلع هوا ساقع زيي السرعات القليله ولما سالت حد ف الموضوع دا قلي عشان العربيه ف السرعات العاليا مابتسحبش بنزين كتير والتكيف بيعتمد عل البنزين

رد: العربيه بتسخن مع التكيف
 

ماهو لو كل واحد يبطل يفتي في الشعب المصري دا يبقي كل واحد باله يرتاح
افهم يعني الاستاذ اللي قالك كده بناء علي ايه بالضبط
يعني هو الخواجه اللي صمم التكييف دا في كل العربيات ما يعرفش يعالج المشكله الخطيره اللي البيه بيقول عليها؟؟

رد: العربيه بتسخن مع التكيف
 

انا شايف انك تروح تكشف على دورة التبريد بياعت العربية لان الطبيعي بتاعها ان مع التكيف الحرارة مش هتزيد هتفضل زي ما هيه عن و انته مشغل التكيف مفيش فرق لان مروحة التكيف بتشتغل و تبرد الموتور و تحافظ على نفس درجة الحرارة قبل التشغيل

بس عامة ما دام ماتوصلش للشرطه الاخيرة H يبقى مش مشكلة كبيره بس لازم تكشف على دورة التبريد