مصر موتورز مجتمع السيارات - اشترى عربيه صينى لــــــــــــيه

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - اشترى عربيه صينى لــــــــــــيه (https://www.masrmotors.com/vb/showthread.php?t=3208)

رد: اشترى عربيه صينى لــــــــــــيه

اقتباس:

المشاركة الأصلية كتبت بواسطة islam_galal (المشاركة 10315)

مشكلة العربيات الصيني في مصر إن البداية كانت أقل من المتوسط و الانطباعات الأولي تدوم
بالإضافة لسمعة المنتجات الصيني بشكل عام لأن الصيني اللي بينزل مصر بيبقي درجة عشرتاشر
الفولكس جيتا صيني !!!!!
أعتقد لو كانت بداية الصيني اسبيرانزا ، كان الوضع حيتحسن كتير و مع ذلك فالسيارات الصيني أثبتت كفاءتها و السوق هو المعيار

أنا اتفق مع أ / إسلام ،،

بس فعلا اللي حاسه ان السيارات الصيني بعد البداية المحبطه

بتهاجم دلوقتي هجمة مرتدة بقوة ( انا مش من مؤيديها )

البريليانس الجديدة اللي ب 70 الف جنية عامله زلزال خاصة انها في اكثر الفئات شعبية

و الجيلي عادت من تاني و الشيري عادت بوجه جديد مع توكيل قوي زي ابو الفتوح

لكن فيه حاجات اتوقع انها تسقط من ذاكرة التاريخ زي الكتكوته

حاجة تانية الكوري اول ما نزل كان بينافس بالسعر المغري و الكماليات الغير معتاده للشعب المصري زي الزجاج الكهربا و الباور استيرنج و التكييف و دي حجات كان الشعب مبيشوفهاش غير في العربيات الفاخرة لاقاها في عربية بتلاتين الف ، اتذكر مقولة لواحد من قرايبي كان جايب اللانوس اول ما نزلت قال ( أنا اشتريت مرسيدس بثلاثين الف )

دلوقتي الصيني وضعه صعب مش عارف ينافس و لا بالسعر و لا بالكماليات اللي اصبحت اساسيات في كل العربيات

رد: اشترى عربيه صينى لــــــــــــيه

عندك حق يا أ/أحمد بالإضافة لصعوبة تخطي السمعه السيئة للبداية الفاشلة
أعتقد نقطة التحول لو توكيل تاني ليه سمعه كبيرة زي أبو الفتوح تولي موديل صيني و ركز معاه

رد: اشترى عربيه صينى لــــــــــــيه

برضو بتتكلمو على شريحة واحدة بس من العربيات الصينى

السكوربيون برغم شكلها الوحش بس الفئات الديزل 5 - 7 مقاعد وال 4*4 سعرها منافس جدا جدا وتوكيل قوى

التيجو 2 لتر 95 الف جنية سعرها منافس جدا

الكومودو سعرها مناسب جدا بكمالياتها وشكلها وتقفيلها بس لسه التوكيل والموزعين تحت الاختبار

اليونسيل 1.6 فول اوبشن ونفس حاجة الانسر كريستالة ب 60 الف جنية برضو سعرها منافس جدا

الشيرى ال a1 عربية تصميمها شيك جدا ومساحتها الداخلية كويسة وفيها كماليات ABS وايرياج وشغلانة ده غير انها الوحيدة 1300 مش فى العربيات الى فوق التمانين وهيا سعرها اتنين وخمسين فده فرق شاسع فى الكماليات والمواصفات بينها وبين اللى فى الشريحة من 50 - 60 واعتقد لو غبور منزلش الموتور ال Kappa ال 1200 فى الهيونداى i10 هيخسر جزء كبير من السوق فى الشريحة ديه لصالح الشيرى

اعتقد ان الصينى وسوقه بيكبروا وهما لسه ماهم فروق سعر وكماليات بس محتاجين وقت ودعم توكيلات اكبر

رد: اشترى عربيه صينى لــــــــــــيه ج2

اقتباس:

المشاركة الأصلية كتبت بواسطة koky_90 (المشاركة 10271)

انا شايف ان السبب الاساسى لاقبال الناس على مثل هذه السيارات

ممكن يكون فيها رفاهيه اكتر من غيراها
والناس بتحب المظاهر ده ممكن يكون سبب
من الاسباب

(دون النظر على عوامل السلامه في السياره او عمر السياره )

(وبعدين العربيات الصينى مع كل ده مش رخيصه اقل عربيه 50الف)

اولا انا شايف ان كل المشاركات في الموضوع ده بتكمل بعضها و الرأي العام في نفس الاتجاه ...
و موافق على كل الاراء اللي اتكتبت.
ثانيا بخصوص تعليقك اسألك سؤال:-
انت تفضل تشتري عربيه مستعمله ماركه واسم و تكون مواصفاتها قديمه وبدون اوبشنز و لا تشتري زيرو صيني فيها كل الاوبشنز و المواصفات بنفس السعر ؟؟؟
مع العلم ان الجيتا صيني و السيينا صيني و عربيات كتيره بتتجمع في الصين منها البي ام .

ومين قال ان مواصفات الصيني بعيده عن عوامل السلامه بالعكس ..أو على الاقل مواصفات السلامه فيها اكتر من الكوري.... (بس المهم تشتغل !!!! و هي دي النقطه الأهم - هل العربيات الصيني لها مصداقيه يعني كفائتها و جوده صناعتها كافيه ؟؟؟)

يعني مثلا التيجو لو اثبتت كفائتها في السوق اتوقع لها اقبال شديد جدا - واكيد كتير حيفكروا فيها بجد ... بس اكيد كتير قلقانين منها دلوقتي ...... متهيألي هيptmnlo123per118 مسأله وقت)

رد: اشترى عربيه صينى لــــــــــــيه

اريد شراء سيارة شيرى A 15 فهل اى من الأعضاء لديه اى ملاحظة عليها كسيارة صينية