رد: سيارة النترا مخبوطة و مطحونة...ممكن مشورة ضروري
 

الحمد للة انك بخير وقدر اللة وما شاء فعل
انا ف رأى انك تفك العربية ...السليم منها و تبيعها استعمال...الموضوع عاوز طبعا وقت
هاتجيب فلوس اكتر من بيع العربية حتة واحدة خصوصا ان تمنها هاينزل النص بعد الصيانة
دة ف حالة ان معاك صنايعى شاطر وهيقدر يرجع العربية زى ماكانت

وعلى العموم الدنيا و مافيها طالما انك بخير

رد: سيارة النترا مخبوطة و مطحونة...ممكن مشورة ضروري
 

أنا كان عندنا في العيلة لانسر مو96 كانت ظروف الشاسية مشابهه وفي صنيعي صلحها وخلها تقريبا زي الاول بنسبة 95% وبعدين إتباعت

رد: سيارة النترا مخبوطة و مطحونة...ممكن مشورة ضروري
 

الف سلامة عليك والحمد لله ربنا نجاك من الحادثة وده المهم

شوف لو انت لسه معملتش جماركها واللذي منه لاء خلاص روح بيعها بره كدة انت هتخسر جامد مصاريف التصليح ولسه فلوس الجمارك قطمة ضهر وعلي ايه دي النترا مغرقة الشوارع هنا ماهياش كامري ولا كابريس ولا اكوررد

لكن

لو انت عملت الجمارك وظبط وطلعت التصريح والافراج كدة بقي لينا كلام تاني

طبعا كل كلام حضرتك علي بودي العربية لكن الموتور و جيرانه واخواته بخير

يبقي كدة العملية ملمومة وكلها شغل سمكرة
علي حسب كلامك علي الشنطة ( ياريت تورينا الصور) كده انت هتحتاج نص وراني علشان انت قلت انها راحت تيجيب فول وبليلة

يبقي لازم تروح لواحد بتاع استيراد حلو فيه في شارع فيصل ناس كتيييييييييير فيه في شارع دمشق في في كذا حته

نيجي بقي للصنايعي لازم يبقي صنايعي ادرجي واحد ايديه حلوة وفاهم وشغال مش لسه هيجرب و هيدقدق ويبص في الكتالوج!

احسن ناس هتلاقيهم في الحرفيين عيال قرود بيعرفو يرجعو العربيات فله

بس اهم حاجة

اللي يشتريها منك تقوله علي اللي انت عملته فيها علشان متغشوش ولا هو يتخم فيها

ولا انا ولا انت ولا اي حد يحب انه يضحك عليه

علشان ربنا يكرمك اللي مترضوش لنفسك ماترضهوش لاخوك

رد: سيارة النترا مخبوطة و مطحونة...ممكن مشورة ضروري
 

أنا من المنصورة وأقولك أنهم كلهم بلا إستئناء أوعى حد يروح يعمل حاجة عندهم حسب الله ونعم الوكيل روحت لخمسة عفشجية بوظوا الدنيا وأغبياء جدا وشغل السمكرة ذبالة والبوية لا إله ألا الله بس يا أخى متخلنيش أتكلم لأنى هاطق والله أتخنقت

فى بلد أسمها السنبلاوين فيها صنايعية عشرة على عشرة وأجرتهم بسيطة جدا جدا جدا
لكن العيب أن مش كل قطع الغيار متوفرة ده إذا كان مفيش فاهضطر تجيب من المنصورة

رد: سيارة النترا مخبوطة و مطحونة...ممكن مشورة ضروري