مصر موتورز مجتمع السيارات - تأثير الجنوط والكاوتش على ثبات السيارة

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - تأثير الجنوط والكاوتش على ثبات السيارة (https://www.masrmotors.com/vb/showthread.php?t=2860)

رد: تعلم كيف تجمع بين الشكل و المضمون فى اختيارك للسيارة و لمكوناتها

اقتباس:

المشاركة الأصلية كتبت بواسطة AboNoRa (المشاركة 8050)

وعليكم السلام ورحمة الله وبركاتة

واهلا بيك يا استاذ احمد عضو واخ لينا فى اسرة مصر موتورز

حضرتك تعلم ان اى عربية لا سيما لو كانت عربية (عادية) للركوب (مش رياضية) بتتصمم بقدر المستطاع بموازنة بين اداء العربية وبين راحة الركاب وممكن كمان تكون الاولوية للراحة اكتر من التادية

علشان كده التركيز فى مجموعة التعليق (العفشة) والكاوتش بيبقى على الراحة اكتر لكن للحصول على اداء اعلى فى الثبات والمناورة لازم يتغير تصميم المكونات ديه للشكل الرياضى وده على حساب الراحة زى ما قولنا قبل كده

الكاوتش والجنوط من الاساسيات اللى تعديلها بيغير فى اداء العربية فى ( الثبات على السرعات - المناورة - الفرملة - التسارع) بشكل كبير وده نظرياً وعمليا (عن تجارب)

بس طبعا اختيار التصميم المناسب يحتاج لتحديد مستوى الاداء المطلوب اولا

لو حضرتك عايز اداء رياضى حقيقى والعربية قوتها تسمح بده يبقى لازم (تغير جنوط - كاوتش - عفشة) سبور مش بس الكاوتش او الجنوط

لو حضرتك عايز تعزز ثبات العربية على السرعات وفى المناورات ديه ابسط حاجات ممكن تتعمل
تهتم بحالة كل من المساعدين - السوست - الزوايا - الترصيص وحالة الكوتش عامة
مع تغيير كل من
الجنوط بجنوط سبور (انسب للكاوتش العريض)
كاوتش اعرض (فى المداس) ارفع (فى التخانة)

علما بان ده بياثر على مرونة العفشة وقد يساعد على اهلاك (بلى العجل) بمعدل اسرع من العادى
كمان ده بياثر على اداء العربية فى التسارع (السحب) و ان كان افضل فى الفرملة

اجمالا التعديل فى الكاوتش والجنوط لو اتحسب صح بيدى نتائج ممتازة فى الثبات بالمقارنة بتكاليفة وسهولة تنفيذة

اتمنى اننا نقدر نفيد حضرتك واهلا بيك مرة تانية

شكرا استاذ وائل معلومات مفيدة جدا

رد: تأثير الجنوط والكاوتش على ثبات السيارة

حلوة اوي المواقع دي

الف شكر يا باشا

رد: تأثير الجنوط والكاوتش على ثبات السيارة

تسلم الايدى
موضوع مفيد
و تحية خاصة للمشاكسGIFT4U

رد: تعلم كيف تجمع بين الشكل و المضمون فى اختيارك للسيارة و لمكوناتها

اقتباس:

المشاركة الأصلية كتبت بواسطة AboNoRa (المشاركة 8050)

الكاوتش والجنوط من الاساسيات اللى تعديلها بيغير فى اداء العربية فى ( الثبات على السرعات - المناورة - الفرملة - التسارع) بشكل كبير وده نظرياً وعمليا (عن تجارب)

اجمالا التعديل فى الكاوتش والجنوط لو اتحسب صح بيدى نتائج ممتازة فى الثبات بالمقارنة بتكاليفة وسهولة تنفيذة

اتمنى اننا نقدر نفيد حضرتك واهلا بيك مرة تانية

السلام عليكم
بشكركم جميعا على معلوماتكم القيمه
عربيتي اكسيل مو 95 المقاس الحالى للجنوط 13*175*70
لو غيرت مثلا لجنط 14 او 15 هل ينفع ولازم اغير مقاس الكاوتش ومدى تاثيره ع العفشه والشاسيه ؟
ولو قللنا فى سمك الكاوتش اعتقد العربيه هتهبط نوعا ما للارض مما يجعلها عرضه انها تحف ؟ ولا ايه رايكم
ولكم جزيل الشكر

رد: تأثير الجنوط والكاوتش على ثبات السيارة

طبعا لوكبرت الجنط من 13 الى 14 او 15 لازم تغير الكاوتش لان الكاوتش اللى عندك راكب على 13 وده القطر الفارغ من جوه جوه وماينفعش تركب قطر صغير على قطر كبير