رد: مشكلة في فيات سيينا
 

انا فعلا معلش مقدرتش اتابع ردودك لانى روحت الشغل و لسة جاى امبارح فانا اسف على التاخير لو حضرتك من الاسكندرية برضه ممكن ابص على العربية لو طلعت حاجة بسيطة حاعملها ان شاء الله و لو معرفتش ( لانى مش خبره فى السينا ) ساعتها نستعين بحد خبرة فى السينا بس الصراحة انا متوقع انها تكون حاجة بسيطة و عندى سوئال هل لما حصل الموضوع ده كان بالتوازى مع اى اعمال صيانة او اعطال اخرى و لو نعم طب كانت ايه ؟

شكرا يا استاذ لاكى مان انا ياما استفدت من حضرتك و دمت بخير

رد: مشكلة في فيات سيينا
 

مش عارف
اول مره اسمع الحوار ده :)
بس لو عربية وصلت لكده
لازم تعمل تشيك كامل علي المتور بال فيه

رد: مشكلة في فيات سيينا
 

انا بقي معايه سيينا 1600 والحرارة للاسف وصلت 3/4 تقريبا وكنت ف الساحل و قررت ارجع علي هذا الوضع علي اساس اكون ف البلد واشوف القصة ايه لكن للاسف علي الطريق العربية قفشت و قطرت العربية لحد اسكندرية .. وحسب ما قال الميكانيكي جابت وش السلندر ؟؟؟؟ و المعلم خد مصنعية 400 ج الي جانب 450 ج شغل حداد و تغيير جوانات و شويه حاجات كده المهم عدينا كل ده .. ادور العربية تسخن جداااااا و اساسا اول ما اشيل رجلي من دواسة البنزين تفصل .... الراجل الله يعمر بيته اللي ( هوة ميكانيكي ) قاللي فيه مشكلة ف الحساسات اكشف كمبيوتر .. كشفنا و الدكتور قالي مفيهاش حاجه ... رجعت له تاني ... قاااال المشكلة مش ميكانميكا خالص فيه مشكلة كهربا ... و قررت اني اخد العربية من تحت ايده علي هذا الوضع !!!!! دلوني ماذا افعل ؟؟؟؟؟؟؟؟

رد: مشكلة في فيات سيينا
 

المشكلة الى دايما بيقع الناس ان بتعالج النتائج الى حصلت بسبب المشكلة الرئيسية
لكن الميكانيكى مسألش نفسه اى الى ادى لارتفاع درجة الحرارة من الاساس و عالج الى التلفيات الى هى طبيعى حتحصل تانى لان المشكلة الرئيسية متحلتش
عالعموم انت مخسرتش حاجة مع الميكانيكى لان الى عمله كان لازم حيتعمل
دلوقتى لازم تروح لحد تانى يقدر يعرف المشكلة الاساسية

رد: مشكلة في فيات سيينا
 

مشاكل السخونيه للاسف حلها في منتهي الصعوبه
و لما بتمسك في عربيه بتبقي لعنه ربنا يخرجك منها علي خير
عاوز ميكانيكي نضيف يراجع علي كل حاجه و علي الوصلات
و كل حاجه تخص دوره التبريد من اول طلمبه الميه لحد غطا الردياتير