مصر موتورز مجتمع السيارات - مشكلة فى لانسر 2010

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - مشكلة فى لانسر 2010 (https://www.masrmotors.com/vb/showthread.php?t=27066)

رد: مشكلة فى لانسر 2010

اقتباس:

المشاركة الأصلية كتبت بواسطة kassim1977 (المشاركة 190808)

نصيحه اخويه منك انا ان شاء الله كنت قررت اشتري لانسر 2010 بعد المقارنه مع الكيا 2010 الشكل الجديد
فهل استمر واشتري لانسر 2010 ولا اغير واجيب كيا ايه رايك
بعد تجربتك دي

الانسر طبعا ً - من وجة نظرى - افضل بكتيير خاصة وانت فعلا ً قررت شراء الانسر
الانسر عربية يابانى وخامات بجودة عالية جدا ً وانا كان امامى كل الخيارات اللى حضرتك ذكرتها ولكنى فضلت البومة عربية ممتازة
- لكن عيبها - بفرض ثبات السعر - قلة الاوبشن بالنسبة لمثيلاتها الكورى اما ان اخترت اوبشن اعلى هتلاقى فية فارق فالسعر
اما العنوان بتاع الموضوع فكان للفت النظر لانى بصراحة بلاقى عند الزملاء حلول سحرية لكثير من المشاكل فحبيت الناس تشارك معى
وانا كنت فى الاكسنت عندى نفس مشكلة التراب فالعدادات وكنت كل فترة بفك التابلوة وانظفة من الداخل اما فى الانسر والعربية لسة جديدة فصعب الموضوع دة مع ملاحظة انى اسير على طرق ترابية كثيرة بسبب طبيعة عملى
وربنا يوفقك للأفضل ان شاء الله

رد: مشكلة فى لانسر 2010

اقتباس:

المشاركة الأصلية كتبت بواسطة محمد يونس (المشاركة 191068)

هل يمكن ادخال اللانسر 2010 بومه الضمان

الموضوع دة بتاع الضمان كان عامل لى مشكلة كبيرة وحيرة شديدة فأنا كنت عايز عربية خليجى علشان مواصفاتها اعلى و فى نفس الوقت الضمان مهم وتجربتى :-
- نسمع كثيرا ً ان الكويتى هو اعلى العربيات واتقلى فالمعارض ممكن تشترى ضمان سنة الى ثلاث سنوات والسنة فى حدود 1500 جنية
- فأتصلت بالمصرية ( وكيل ميتسوبيشى ) واللى ردت على قالتلى " دة نصب " طبعا ً قلقت وصرفت نظر
- لكنى وجدت ان العربيات الخليجى ( اماراتى دبى ) لها ضمان مباشر عالرواس وقبل الشراء ذهب الى مركز صيانة الرواس فى المهندسين واتقلى " ايوة العربيات دى بتاعتنا واحنا اللى بنستوردها وبنضمنها 3 سنوات او 60 الف كم "
- واشتريتها بفضل الله وعملت صيانة لها بل واستفدت من الضمان وان كان موضوع بسيط جدا ً
- الا انى كنت قريت قبل كدة ان احد الزملاء اشترى ضمان لسيارتة الخليجى
الخلاصة :-
كتير من المعارض تقلك ممكن تشترى ضمان ولكن قبل ما تشترية شوف الضمان على اى فرع او مركز وروح هناك واتأكد وربنا يوفقك بإذن الله

رد: مشكلة فى لانسر 2010

اقتباس:

المشاركة الأصلية كتبت بواسطة medo akef (المشاركة 190839)

هو معروف ان صاح البومه ضعيف بس حضرتك اركن علي العضم بعد كدا مش الاماكن الي وراها فاضي

اخبكها من ورا هتلاقيها ردد مش محتاجه سمكري

لا مفيش اي مشكله كل الي فات دي حجات عابره ما عاد الصاج هو معروف انه ضعيف شويه لكن وقت الحوادث كفانا الشر الصلون مأمن جدا

و الصاج الخفيف بيترد بسرعه و بسهوله بردوptmnlo123per154

اهلا ً يا مان واخبار الامتحانات اية ؟
انا اعرف ان الصاج ضعيف جدا ً ودة مش فالبومة بس ولكن فى كل العربيات الحديثة علشان استهلاك البنزين والتسارع وحاجات زى كدة
ولكن علشان اردة من الداخل يبقى لازم افك تبطين الشنطة وان شاء الله اعمل كدة
- اما موضوع الطارة فأنا اخشى ان انظفها حتى بفوطة مبللة لانى اخشى انة يعمل مشكلة فى الارباج خصوصا ً وانى معنديش فكرة كافية عنة وعن طريقة تشغيلة وهل فية حساسات لة اسفل الطارة
وانا لما قريت الكتالوج بتاع العربية لقيت ان مشاكل الارباج اكبر من نفعة بصفة عامة

رد: مشكلة فى لانسر 2010

مليار الف شكر يا يافندم علي اهتمامك الكبير والرد عليا بس انا مكنتش اعرف ان الاختيار صعب جدا كده وخصوصا انك هتدفع تحويشة العمر
وخصوصا كمان شكل واوبشن السيراتو يحيرو وفرق السعر طبعا لصالح السيراتو والله العظيم انا في حيره كبيره جدا وخصوصا ان زميلي في الشغل اشترو سيراتو وبيشكرو فيها بس للاسف انا عندي عقدة اليباني
بس اتمني من الله ان يرشدني للصواب ان شاء الله

رد: مشكلة فى لانسر 2010

اقتباس:

المشاركة الأصلية كتبت بواسطة mesho70 (المشاركة 191393)

الحمد لله يا مان اهي مشيه و قربنا نبدء 16/6
اه يا مان ما هي دي المشكله لكن حاول تعملها عند حد نظيف اوي او أسأل عليها في التوكيل
و لما تروح للشخص الي هيردها قول له هيفك اد ايه من التبطينه لو كتير نفض بقا خليها دلوقتي
بس علي فكره يا مان صاج البومه اخف من عربيات كتيري عني عندك البروتن جين 2 و السياراتو كمان! صاجهم اجمد و هو فعلا خفه الصاج دي بتحسن اداء العربيه و تقلل استهلاك الوقود
عن الاير باج يا مان نفض له خالص ولا اكنه موجود مفيش فيه اي مشكله خالص اتعامل مع العربيه عادي و امسحها قماشه مش مبلوله اوي يعني مش توصل اليمه ورا الوش بتاع الطاره مثلا! اتعامل مع العربيه عادي و الاير باج مفهوش اي عيوب يا مان الا انه تكنلوجيا زياده يعني ليها نصيب في الصيانه لكن هي مفيده جدا طبعا وقت الحوادث كفانا الشر
و بلاش اسبريهات كتير يا مان عشان كترها مضر و مش عارف انا بحس ان جلد الانسر بيشرب الاسبراي في ثواني اصلا! احطه علي بليل ملاقيش ليه اثر علي الطبلو!
لو مهتم اوي بأن العربيه تلمع علطول يبقا ادهنها فزلين و بروفين و في ناس بتقول ان البروفين افضل ادهن كل الجلد بيه و هو مش مضر
انتظر يا مان مني بومه 1.6 منيول قريباptmnlo123per154