مصر موتورز مجتمع السيارات - بروتون ساجا 2010 ام ماتريكس وتويوتا مستعمل

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - بروتون ساجا 2010 ام ماتريكس وتويوتا مستعمل (https://www.masrmotors.com/vb/showthread.php?t=25913)

رد: بروتون ساجا 2010 ام ماتريكس وتويوتا مستعمل

اقتباس:

المشاركة الأصلية كتبت بواسطة corsair (المشاركة 180966)

والله انا من راي تجيب اللوجن زيرو وتبعد خالص عن المستعمل وتبعد عن الساجا لان توكيلها في الضياع وكفايا اوي انها ماليزي تقفيل مصري ده سبب لوحده يخليك متجيبهاش وبعدين حرام يبقي معاك مبلغ زي ده وتجيب عربيه كان حد راكبها قبلك اللوجن عربية محترمة جدا وعاليه عن الارض وواسعه جدا من جوه قاعدتها مريحه وعربية تكنولوجيا اوروبي تقفيل مغربي وتقبل تحياتي

لا معلش ... الساجا ماليزي تقفيل ماليزي و بمواصفات خليجية ...معايا الاتوماتيك منها والله احسن 100 مره من اتوماتيك ياباني كنت راكبها قبلها ... و الله العربية خرافه وانا بتعجب ازاي عربية بالسعر دا بالامكانيات دي .... ما شاء الله ثابته جدا ... سافرت بيها من القاهرة لأسوان على الصحراوي الغربي على 140 معظم الطريق و انا الي مرضتش اجري زيادة عن كده مع العلم اني كنت مشغل التكييف و العربية ما شاء الله ثبات مزهل و الاعجب متناتها و الدليل ان اطريت اخرج من الصحروي في اسنا عشان امون لانه مفيهوش اي بنزينه من المنيا و كملت الطريق زراعي لغاية اسوان و في كوم امبو كلت حتت مطب و انا ماشي على 80 مشتفتوش غير و انا فوقه ... رحت دايس فرامل و انا فوقه راحت العربية نطت و هبدت في المطب من تحت هبده كان المفروض تلوح الشاسيه ... المهم كنت اتخنقنت من الزارعي و قرفه رحت مكمل لغاية اسوان في الزراعي على 120 و العربية ما شاء الله الخبطه مأثرتش عليها اطلاقا في المشي .

رد: بروتون ساجا 2010 ام ماتريكس وتويوتا مستعمل

Ahmedciwأخوى

بارك الله فيك وعلى ردك جزاكم الله خيرا

ربنا يارب يباركلك فى سيارتك ويديك خيرها ويكفيك شرها

وعلى مهلك ياعم على نفسك ههههههههههههه خلى بالك

أنت طمنتنى من ناحية السيارة بس بعد ما الكل خوفنى منها وفعلا بدأت أقتنع

إن الماتريكس هتكون أفضل حتى لو مستعملة
ياريت بردو تقولى رايك فى الماتريكس 2006-2008 جمب سيارتك الساجا

رد: بروتون ساجا 2010 ام ماتريكس وتويوتا مستعمل

اقتباس:

المشاركة الأصلية كتبت بواسطة Rady2 (المشاركة 181832)

نصيحة في الله ... ابعد عن المستعمل تماماً و لو كان مرسيدس مش ماتركس ... صدقني نادر جدا ان تلاقي حاجه مستعمله تاخد منها .... و الله بتحب المخاطره و عايز تجرب .... انت حر .... لكن انا رأي ان الزيرو احسن من اي حاجه مستعمله و دا عن تجربة شخصيه

رد: بروتون ساجا 2010 ام ماتريكس وتويوتا مستعمل

بالتاكيد الكورولا و الماتريكس لو حالتهم كويسه يبقي افضل من الساجا
خصوصا انك بتنقل من فئه لفئه تانيه خالص لها مميزات مختلفه

اقتباس:

الساجا لان توكيلها في الضياع وكفايا اوي انها ماليزي تقفيل مصري

الساجا تقفيل ماليزي يا كروسير مش مصري

رد: بروتون ساجا 2010 ام ماتريكس وتويوتا مستعمل

مين الي قال ان الساجا تقفيل مصري علي العموم الي قال كدة واضح انو بيفتي ومش فاهم حاجة مفيش اي عربية من بروتون تقفيل مصري كلها تقفيل ماليزي بتكنولوجيا لوتس الانجليزية