مصر موتورز مجتمع السيارات - التعديلات الرياضية ع الفيرنا

اقتباس:

المشاركة الأصلية كتبت بواسطة خالداعزالناس (المشاركة 174744)

باشا انا الان فى السعوديه ... انا هنا معايا زيك بالظبط هيونداى فيرنا
بس اسمها هنا هيونداى اكسنت
وعلى فكره سيارتى لونها ابيض مثل سياره حضرتك
كنت عاوز اعرف منك هل بتسحب بنزين كتير عندك فى مصر عشان الزحمه وكدا ولا عادى
والله سياره كويسه وبروح بيها كل حته هنا فى الرياض .... ما شاء الله
ان شاء الله لما انزل مصر ناوى اشترى سياره من الثلاثه دول
( هيونداى نيو اكسسنت - هيونداى فيرنا - شيفروليه لانوس )

اسف جدا يا استاذ خالد علي التاخير في الرد

انا هقولك علي اخر مره اختبرت فيها سحب العربية للبنزين

كنت جي من اسكندرية الاسبوع اللي فات

فولت العربية قبل ما اتحرك بيها ب 15 لتر لان كان فيها 35 لتر بنزين بس قولت افولها

العربية عملت معايا بالظبط 303كيلو لحد ما وصلت للبنزينة اللي جنب بيتي في القاهره

قولت افولها علشان اعرف سحبت قد ايه بنزين

فولتها 13 لتر فقط

عملت معايا 303 كيلو ب 13 لتر بنزين وكنت مشغل التكييف من بداية ما طلعت طريق المحور يعني قول 40 كيلو ماشي مشغل التكييف وتقبل تحياتي

اه نسيت اقولك يا استاذ خالد انا كنت ماشي علي سرعة 90 كيلو ثابتة ولا زودت ولا قللت الا قبل البيت ب 20 كيلو علي الدائري كنت ماشي 140 كيلو وتقبل تحياتيش