|
رد: استلمت السايبا برايد النهارده
اقتباس:
3 ورا مش عايز تحك دى لو عربيه من اللى طالعين اليومين دول كان زمان الشكمان متغير ههههه على العموم ماتخافشى انا شوفت العربيه من تحت ولقيت فى قوايم محترمين بطول العربيه حمايه ليها بس ابقى خد المطب براحه شويه المره الجايه لو معرفتش تعرض |
رد: استلمت السايبا برايد النهارده
[quote=amidoo9999;167994]شكرا يا باشا على هذه النصائح بس انا زوت السرعه تقريبا لغايه 110 هل هيؤثر على حاجه وبشكرك تانى مره[/quote]
110 كتير جدا جدا بلاش كده لغايه ماتوصل الاف كيلو وكفايه لغايه ال80 او ال90 بالكتير الملحوظه التانيه بلاش تحميل ركاب كتير فيها لغايه الاف برضه يعنى كفايه واحد قدام وواحد وراه او اتنين بالكتير حجم خفيف وبعد الالف اعمل اللى انته عايزه علشان انته دلوقتى بتلين عربيه وفى نفس الوقت هاتستهلك بنزين كتير بسبب التحميل وده مش بيساعد على التلين السريع الصح |
رد: استلمت السايبا برايد النهارده
الف مبروك ياباشا على شهاب 3 الصاروخ الايرانى الكورى المازداوى الاصيل ptmnlo123per181 اولاً بخصوص السرعة العربية عزمها عالى على عدد لفات قليله وده معناه انك تقدر توصل لسرعات عالية من غير ما تحتاج ان الموتور يلف عدد لفات كبير وده المهم فى التليين عداد ال rpm مش عداد السرعة فحضرتك بس تحاول تخلى سرعة الموتور فى حدود 3500 بس برضو لو زادت مش كارثة بس افضل تخليك حنين مع الموتور لحد ماتنزل اول زيت بالنسبة للتراب زى ماقال استاذنا توفيق باشا عايزة غسله فى بنزينه نظيفة والموتور معلش اغسله بالفوم بعد كده ابقى اقولك على الحاجات اللى تغطيها لو هتغسله بالميه او بالجاز ده لما تترب اوى اوى وميستحبش كتير زى مابقول دائما علشان الكاوتشات والخراطيم والحاجات ديه بتنشف وتبوظ او مكونات الانجكشن وخاصة ال TPS بيهيسس من الميه فاضل حاجة الفوم والهواء وبس وجيب لها فرش خارجى علشان العزل مش كفايه وده بيخليها تلم تراب خاصة لو بتركنها فى اماكن فيها تراب كتير بالنسبة للكاسيت والتكييف اتأكد ان الفيوزات سليمة مجرد احتمال خاصة لو بتشغل التكييف ومبتحسش بعمل الكمبرويسور اتاكد من مستوى الزيوت - فرامل وموتور وهيدروليك ولو فيه حاجة ناقصه زودها هتبص على الماية لو ناقصه زودها وبلاش الميه الملونه علشان تلت اربعها مضروب جيب ميه عاديه وزود مانع الصداء tps او جانك وبص على مايه البطارية بالمرة - وممكن تفتح الفلتر تنظفه هواء وبس كده الحوض من عايز منك حاجة بعد كده تتسلى وتراجع على المفصلات لو فيه حاجة مش مربوطة كويس تأرط عليها ومنها تتعرف على تفاصيل العربية صيانة الالف بتتعمل فى اى وقت من بعد ماتشترى العربية حتى ال 1000 مش شرط بعد الالف حضرتك هتروح تختم كتيب الضمان وتتسجل وتمليهم ملاحظاتك فى العربية ويتعمل لها السيرفيس الاساسى بعد ماتستلمها تراجع على الترصيص وعدله رسمه الكاوتش وتمم بعينك على الحوض والزيوت وتجرب التكييف والكهرباء كلها وان ملاحظاتك اتعملت وبعدين تستلم وربنا يبارلك فيها ويهبك خيرها ويكفيك شرها ولو فيه اى استفسار معاك بإذن الله |
رد: استلمت السايبا برايد النهارده
شكرااااااااااااااااااااا ياباشا على كل هذه المعلومات الهامه بس هو فى استفسار ازاى اتاكد من مستوى الزيوت وازاى اتاكد من الفيوزات
اول ما استلمتها كان عداد السرعه مش شغال راح المندوب فتح الكبوت وركب حاجه وقال كده كله شغال ولما بقوله على الفيشه اللى وقعه على الدبرياج قالى انها مش مهمه دى بتاعت الكمبيوتر فى التوكيل وراح مطلعها لفوق وقالى بس علشان شكلها وقلتوله انها بتتركب فى حاجه من تحت قالى لا دا صح ولا لا والريموت مش شغال بس بيدى الاشاره اللى فيه بس مش بستجيب له العربيه ومعلش لو كنت تقلت عليك يا ابو نورا باشا بس اصل انا عايز استفيد من خبرتك مع العربيه دى معلش بقى طولت عليك |
رد: استلمت السايبا برايد النهارده
زيت الفرامل ليه علامة فى العلبة بتاعته وزيت الموتور ليه مقياس زى اى عربية خلى حد صاحبك خبره شويه يوريهولك او عند اى ميكانيكى او حتى بنزينه يبصولك عليه وشوف بيتقاس ازاى
الفيوزات هتلاقى فى الكتالوج رسمة فيها تفاصيل كل واحد بتاع ايه وقوته كام الفيشة بتاعة الكمبيوتر ده مكانها فعلاً طبيعى مفيش مشكلة بالنسبة للريموت لازم تشوفه فى الضمان |
| الساعة الآن 12:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017