مصر موتورز مجتمع السيارات - أسعار بعض قطع غيار الاكسارا 1

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - أسعار بعض قطع غيار الاكسارا 1 (https://www.masrmotors.com/vb/showthread.php?t=23728)

رد: أسعار بعض قطع غيار الاكسارا 1

اقتباس:

المشاركة الأصلية كتبت بواسطة MANDO09 (المشاركة 163206)

شكرا على الفائدة الرائعة والله العظيم تستحق كل الشكر على السلوك الحضارى اللى حضرتك عملته حصلك شئ غلط فنبهت الناس عليه بسم الله ماشاء الله

الشكر لله أخي الفاضل وبكل صراحه لازم جميعنا نتعاون فمن يتعرض لموقف عليه ان ينبه غيره كي يأخذ حذره فالأنسان لابد ان يكون متعاون مع أخيه فهكذا الله خلقنا أخوة متحابين في الله وأيضاً حبيت أوضح أسعار بعض الأشياء للأخوه حتى لا يقعوا فريسة لطمع تاجر ويشتروها بأزيد من ثمنها وفقنا الله جميعاً لما فيه الصالح للجميع بإذن الله.

رد: أسعار بعض قطع غيار الاكسارا 1

اقتباس:

المشاركة الأصلية كتبت بواسطة محامي من مصر (المشاركة 164046)

بارك الله فيك و أكثر لنا من امثال حضرتك

رد: أسعار بعض قطع غيار الاكسارا 1

شكرا ليك جدا بس الاسعار دى مبالغ فيها بصورة كبيرة جدا ليه يعنى السيتروين عربية محترمة طبعا على عينى وراسى بس مش بالمبلغ ده

رد: أسعار بعض قطع غيار الاكسارا 1

اقتباس:

المشاركة الأصلية كتبت بواسطة بدر بسيونى (المشاركة 164256)

أحنا طبعاً متفقين أن الأسعار طبعاً مقارنة بالكوري عاليه جداً وأنا كمان مخبيش عليك مكنتش فاكرها عاليه للدرجه دي أنا عارف أنها غاليه وخصوصاً أنا كان عندي قبل منها بيجو وعارف أن أسعار قطع غيارها مش رخيصه ولكن قطع الغيار الأصليه للحق بتبقى معمره أكثر من السيارات الكوري يعني انت ممكن تغيرها ثلاث مرات في الكوري مقابل مره واحده عندك وكمان هو ده مستوى الأسعار في السيارات الأوروبيه يعني الرينو قطع غيارها ضعف الأرقام دي تقريباً وكمان كلها تركي وطبعاً السيارات الألمانيه سواء البي ام أو الفولكس أو الاودي أسعارها خياليه وكمان الأسعار في الياباني متقارب وربما يزيد في بعض الأنواع فالتويوتا والميتسوبيشي والهوندا والدايهاتسو وغيرهم قطع غيارها نار فالأسعار فعلاً تعتبر غاليه لأننا جميعاً بنقيس على مستوى أسعار الهيونداي والدايو وأكيد لازم حيكون في فروق كبيره زي ما في فروق في فارق المتانه والجوده والله أنا بدعي ربنا أنها تيجي على قد كده لأني خلاص جبت أخري معاها وربنا يستر..

رد: أسعار بعض قطع غيار الاكسارا 1

اقتباس:

المشاركة الأصلية كتبت بواسطة بدر بسيونى (المشاركة 164256)

أ/بدر فينك يا فندم مختفى ليه و فين موضوعات حضرتك وحشتنا انا افتكرت حضرتك زعلان منى ولا حاجة وبالنسبة لموضوع قطع غيار السيتروين بتفق مع حضرتك تماما فى انها غالية جدا ولسه فيه الاغلى يعنى الc3 اعتقد قطع غيارها اغلى كتير جدا بس لو مستوى جودة قطع غيار الاكسارا زى ما اخواننا فى القسم بيحكوا انا شايف انها تستحق ويارب تكون بخير دائما وبجدد شكرى للأستاذ /محامى من مصر