مصر موتورز مجتمع السيارات - مشكلة فى استهلاك البنزين 40 لتر= 300كم !!!

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - مشكلة فى استهلاك البنزين 40 لتر= 300كم !!! (https://www.masrmotors.com/vb/showthread.php?t=22806)

رد: مشكلة فى استهلاك البنزين 40 لتر= 300كم !!!

وكمان لو زى ما بتقول الماتورين زى بعض يبقى اكيد استهلاك الميتركس اعلى لانها اتقل

رد: مشكلة فى استهلاك البنزين 40 لتر= 300كم !!!

دا طبيعى جدا .. متقلقش
انا معايا ياريس (يعنى من افضل العربيات استهلاكا للبنزين فى العالم ) و 1300 وبتعمل مش اكتر من 400 كيلومتر فى ال40 لتر
(جوا البلد مش برا )
فطبيعى اوى الماتريكس ال 1600 بالوزن دا تبقى كدا

اطمن ياباشاا

رد: مشكلة فى استهلاك البنزين 40 لتر= 300كم !!!

اولا .. ألف شكر على ردكم وتفاعلكم

ثانيا بقى ..

الأخ احمد على 1999

انا استهلاكى عادى جدا

مابين مشاوير داخل المدينة حوالى 70%

ومشاوير سفر حوالى 30%

وفعلا خارج المدينة أوفر شوية من داخل المدينة

وبقيس الاستهلاك ازاى

بحط عدد ثابت من اللترات (40 لتر)

واصفر العداد واشوف الكيلوات بقت كام اول ما لمبة البنزين تنور

وكررت الموضوع ده كتيييييييير

والنتيجة من 310 لـ 330 كم

وقصة انى افول وامشى 100 كم واحط بنزين تانى واشوف خدت قد ايه

قصة جربتها مرة

وكل مرة العامل بيحط فيها بنزين بتتفاوت .. فى بيفول على الاخر وفى بيسيب فى التنك شوية

فبحس انها مش دقيقة قوى القصة دى
..........

y2002y
corsair

الاخوة اللى بتقول ابو رواش كويس فى الموضوع ده

هتوكل على الله واروح عشان ابقى عملت اللى عليا

مع العلم ان ناس كتير بتشتكى

واخويا بينصحنى ماروحش الا بواسطة

تحيا مصر

.......

الأخ sa3dawy

انا بصراحة اتخضيت من كلامك عن الياريس!!

انا كنت بدور عليها قبل الماتريكس وكنت طمعان انها توفر عن كده كتيييييييييير

بس انت أدرى

عربيتك وانت حافظها

ربنا معاك وشكرا على ردك

بس لوقيست الماتريكس بالياريس

تبقى معقولة شوية

جزاكم الله الف خير

انا هاشوف موضوع ابورواش ده وربنا يسهل

بس فى معلومة عايز اقولها

انا نزلت فايل من على النت اول ماشتريت العربية

فى مواصفاتها واستهلاكها

انا فاكر انه

لتر = 13كم

والله اعلم

رد: مشكلة فى استهلاك البنزين 40 لتر= 300كم !!!

معلومة !

الماتريكس الاوتو معروف انها بتاكل بنزين :D

و اسأل اي مالك ماتركس اوتو و اولهم sam ram معانا هنا في المنتدي:HAPPY_~211:

رد: مشكلة فى استهلاك البنزين 40 لتر= 300كم !!!

اقتباس:

المشاركة الأصلية كتبت بواسطة meroslave (المشاركة 155843)

انا نزلت فايل من على النت اول ماشتريت العربية

فى مواصفاتها واستهلاكها

انا فاكر انه

لتر = 13كم

والله اعلم

عالعموم القياسات دى بتبقى على سرعة ثابتة تقريبا 90 كم / س ( السرعة الاقتصادية ) على طرق سريعة
فانت جرب مرة تكون مسافر وادخل بنزينة و فول للزور و صفر العداد و بعدين سافر على سرعة ثابتة 90 كم / س و لما توصل ادخل بنزينة و فول للزور تانى و شوف الكمية اكتبها و المسافة المقطوعة اكتبها
اقسم المسافة على الكمية و قارنها ب 13 كم للتر