رد: فيات بونتو 94 وله سوزوكى سويفت 93
 

ايه يا جماعه للدرجادى محدش يعرف حاجه عن الحوار ده ولا ايه :S

رد: فيات بونتو 94 وله سوزوكى سويفت 93
 

البونتو احلى من السوفيت بمراحل كتيرة ابسطها مش خفيفة وتقدر تسحب بيها كويس جدا عكس السوفيت عربية ملهاش لزمة اما البونتو عربية كاملة من الكماليات وخاصة البور والسويفت ممكن تكون اكبر شوية بس صجها خفيف ولم تثبت جدارة فى السوق المصرى
وشكرا هذا مجرد راى وليس نقد لاى احد من الزملة الاعضاء:waving:

رد: فيات بونتو 94 وله سوزوكى سويفت 93
 

عن تجربه السويفت عربيه ممتازه
بس لما تبقي بحاله سليمه
عربيه اعتماديتها عاليه جدا و تدخل فيها اي مكان ما يهمكش
و علي الطريق ثابته و كويسه
كنت بمشي بيها 140 ثباتها معقول
و قطع غيارها رخيصه مش غاليه و كل حاجتها موجوده
اهم حاجه تكون العربيه سليمه
قوايم و سدر و شنطه و سقف
لو فيها بارومه اوعي تاخدها لان البارومه بتسرح فيها دايما و خصوصا السقف بتاعها
عيبها الوحيد معايا ان صاجها كان خفيف و البارومه بتسرح فيه
انما العربيه سواقتها ممتعه و لذيذه في ركوبها.

بالنسبه للبونتو عربيه محترمه و جميله جدا جدا
لكن مشكلتها قله قطع غيارها شويه و حتكون اغلي شويه من البونتو بس عربيه محترمه

انا شخصيا افضلها عن السويفت لو العربيتين مش مكيفين
انما لو السويفت بتكييف و البونتو لاء كالعاده يبقي اخد السويفت

رد: فيات بونتو 94 وله سوزوكى سويفت 93
 

شكرا للعضو و يا ريت مالكي السيارتين يفيدونا