مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - تقييم اللوجان (https://www.masrmotors.com/vb/showthread.php?t=16733)

رد: تقييم اللوجان

اقتباس:

المشاركة الأصلية كتبت بواسطة flashfox (المشاركة 106729)

2 ديسمبر 2009 - 19:57

http://contactcars.com/Images/News/L...aga_2008_3.jpg
"بروتون ساجا" تنضم للعائلة الماليزية في مصر
أعلنت شركة "عز العرب" للسيارات الوكيل الحصري لسيارات "بروتون" الماليزية في مصر عن وصول سيارة جديدة لتنضم لعائلة الماركة الماليزية، وهي "بروتون ساجا".

تنتمي "بروتون ساجا" إلى فئة السيارات العائلية صغيرة الحجم، وتم تزويدها بعدد كبير من الكماليات مثل الباور و المرايات الكهـربائيــة الجانبيــه و ريموت كنتــرول وجنوط رياضية ومصابيح ضباب و وسادة هوائية واحدة للسائق.

وتبلغ سعة محرك "ساجا" الجديدة 1300 سي سي بقوة 94 حصان وتصل إلى سرعة 100 كم/ساعة من الثبات في غضون 13 ثانية.

وبلغ سعر "ساجا" المانيوال 62.900 جنيه ، بينما بلغ سعر الأتوماتيك 68.900 جنيه.

بس احنا كل اللي ممكن يخوفنا من البروتون ان كل موديلاتها شنطته صغيرة وصالونها ضيق

وياريت نشوف اراء الناس في اللوجان هل هتنتشر زي اللانوس و الفيرنا ولا هيوقفوا انتاجها واللي ليه راي يقولنا

تمام بالنسبه للشنطه سعتها 4.1 لتر يعنى شنطه كبيرة
والصالون مش عارف لانى مجربتهاش الصراحه بس اعتقد انها على الاقل مش هتبقى اضيق من الفيرنا او اللانوس لكن ممكن تبقى اضيق من اللوجان

رد: تقييم اللوجان

اقتباس:

المشاركة الأصلية كتبت بواسطة ashraf mahmoud (المشاركة 106752)

ازاى سعرها مبالغ فيه يعنى هيا مثلا مش زى الفيرنا عندك كابعاد اطول واعرض وارتفاع اعلى من الفيرنا ماتور كويس جدا استهلاك بنزين رائع لان الموتور 1300 يبقى ايه اللى يفرقها عن الفيرنا وطبعا عفشه قويه واسم محترم اشمعن الفيرنا تنزل ب 68 ومحدش يتكلم ولما دى تنزل بالسعر دا نقول عليها غاليه انا من راى ان العربيه دى هتتفوق على كل مثيلاتها من نفس الفئه السعريه

انا بقول سعر العربية علي اساس سعرها في الخارج مش علي اساس انها اطول من الفيرنا فالمفروض تكون بتمنها !

نفس اللي حصل مع الهوندا سيتي لما كانت في ال80 الف وبعد الشكل الجديد نزلت فوق ال120 الف !!
اللي بيحصل في مصر دة تهريج من التجار والتوكيل علشان ميضربوش بعض في السوق وكلة يكسب واللي هيدفع طبعاً هوا احنا.....ptmnlo123per111

واختلاف الرأي لا يفسد للود قضية :)

رد: تقييم اللوجان

علي فكرة انا شايف ان فعلا هتكون منافس قوي لكن الكفة ترجح للرينو نسبة انها فرنساوي اما البروتون ماليزي
وذلك لا يعني انها سيئة ولكن الماليزي لا يستحوذ علي اراء المصريين

رد: تقييم اللوجان

اقتباس:

المشاركة الأصلية كتبت بواسطة ashraf mahmoud (المشاركة 106752)

استاذ اشرف واضح ان حضرتك معجب بالبروتون جدا بس احب اقولك على حاجه انا برضه معجب بالبروتون جدا وكل عربياتها اللى نزلت مصر عجبتى
وسوقت منها
ويرا 1300(اللى ركبوا ال1500 بيقولوا انها حكايه فى السحب)بس ال1300 سحبها مقبول
واجا 2006 اوتو
جين2 2007 مانيوال
والتلاته عجبونى جدا بس تقفيلها من جوه (كلهم) مكانش تقفيل كويس كان فيها شويه حاجات رخمه كده وتحس انها بلاستيك
وبالنسبه لموضوع انك بتدافع عن سعر العربيه فده نفس دفاع الناس اللى معاهم لوجان عنها اللوجان شايفين انها افضل من الفيرنا وحضرتك شايف ان الساجا افضل من الفيرنا بس السوق هنا بيحب العربيه اللى قطع غيارها فى السوبر ماركت مش العربيات اللى محتاجه حد يحترمها وخد بالك لا اللوجان ولا الساجا ينفع ينزلوا ارخص من كده لان فيه لانوس بتاعت غبور ولانوس بتاعت منصور واسبيرانزا ابو الفتوح والتلاته من اكبر التجار فى مصر وماسكين السوق مينفعش تنزل عربايت افضل من عربياتهم وكمان ارخص يبقى كده محدش هيفكر فيهم اساسا وهخسروا منجم دهب لان العربيه اللى فى الفئه دى من اكتر العربيات اللى بتبيع بالنسبه لكل شركه منهم
غير كده لو حسبناها بالطريقه دى لازم عز العرب يظبط نفسه لانه كده لما يدخل فى منافسه مع EIM هيفشل فشل زريع وطلاما حضرتك مهتم ببروتون اكيد هتكون عارف عدم توفر قطع الغيار فى التوكيل فى بعض الاحيان وعدم وجود عماله عاليه الكفائه وارجو ان الساجا برضه تتوفر وتنزل والتوكيل يخدمها لان كل ده فى الاخر بيصب فى مصلحه المصريين وبيخرجنا من الاحتكار

رد: تقييم اللوجان

مشكور وانا بضم صوتي لصوتك فعلا بس انت عن نفسك اييه رايك في اللوجان بالنسبة لانتشارها وحضرتك بيقول سقت فئتها كلها