رد: طلب معلومات عن مرسيدس200 خنزيره
 

لالالالالالالالالالالالال الالالالالالالالالالالالا لالالالالالالالالا الخنزيرة جامدة مووووووووووت ولو عايز تركبها اركب موديل 84 احسن حاجة وبالنسبة لقطع الغيار متوفرة في كل مكان وفي الحرفيين موجودة واستيراد نظيف ومش بتاكل بنزين خالص بس انت روح لميكانيكي كويس يظبطلك المكنة بتاعتها ويظبطلك الطلومبات ويبقى كدة انت راكب عربة في الصح

رد: طلب معلومات عن مرسيدس200 خنزيره
 

بس بلاش تركب فيها جاز علشان بيعمل مشاكل وانت بتحول من بنزين لجاز بيلم وساخة وبيعطل كتير

رد: طلب معلومات عن مرسيدس200 خنزيره
 

أنا أنصحك بشراء العربية المرسيدس المعدلة اللى هى انتجت من 1977 - 1985اللى بعض الناس بتقول عليها خنزيرة و البعض الآخر بيقول عليها تمساحة على الرغم من ان معلوماتى أن الخنزيرة اللى المرسيدس الفئة E الموديل القديم من 68 لحد 76 اللى هى الفانوس الأمامى بالطول ( الفانوس الشمامة ) و التمساحة اللى هى المرسيدس ال W126 اللى هى الفئة S من سنة 1980 لحااااااااااااااد 1990 تقريبا , ممكن يكون فى اختلاف فى المسميات بين الناس بس مش هو ده المهم .

المهم , اشتريلك واحدة موديل 1984 أو 1985 , حالتها نظيفة و تكون 200 مش 230 , و لو هتشترى ال 230 , OK , مفيش مشاكل , بس هاتها و ابقى غيرلها الموتور بتاعها بموتور و فتيس و تكييف زلمكة E200 فوق ال 90, لكن ماتركبهاش 230 لأن ضريبتها هتبقى غالية اوى , حوالى 1100 جنيه فى السنة, فملهاش لازمة طبعا .

بص يا باشا , فيه عضو فاضل و محترم معانا هنا فى المنتدى ( الأستاد / أحمد بدر 1978 ) اشترى عربية مرسيدس 230 مؤخرا و وعدنى أنه بعد مايظبط فيها شويه حاجات و يفضى كده , هيعمل عنها موضوع كامل و متكامل هنا فى المنتدى , تعالى اقعد جمبى هنا على الدكة , نستناه و هو اكيد مش هيتأخر ان شاء الله .

رد: طلب معلومات عن مرسيدس200 خنزيره
 

الخنزيرة عملية اكتر وقطع غيارها متوفرة فى القاهرة والشرقية والمنصورة والصف وهى عالية وصغيرة من الخارج وواسعة من الداخل وشنطتها اكبر وعفشتها امتن وسعرها ارخص والمعدل شكلها اشيك وقطع غيارها متوفرة اكثر