مصر موتورز مجتمع السيارات - يا ريت الكل يقولي اعمل ايه ؟؟؟؟؟

اهم حاجه يا برو انك بتعترف بأخطائك
و بالنسبالي دي اخطاء قاتله و نصيحتي ليك تتعلم سواقه
من اول و جديد لانك كده مش بتعرف تسوق صدقني
و حتجيب مصيبه لنفسك قريب لو فضلت علي المنظر دا

اقتباس:

الجري ( انا لسه جديد في السواقه ) بعد اجري و بسيبها لله و ساعات باكل مطبات

اكتر حاجه تجيب اجل العربيه المطبات و الميه و لو فضلت علي كده العربيه دي حتنتهي منك

اقتباس:

بس مش بغباء يعني بهدي قبليها بس مبلحقش اوصل للسرعه المطلوبه ) و طبعا في الملفات بحس ان العربيه هتبقي نصين من السرعه علي الملفات

يبقي انت ماعندكش حسن تقدير للمسافات و مش عارف فرامل عربيتك نظامها ايه و حتوقفك فين!!!
و بالتالي برضه الغلط منك لان لو انت سواق و ماشي بعربيه من غير فرامل حتي حتعرف توقفها و مش تاخد بيها مطبات!!!

اقتباس:

بدخل حملات المرور و بعد ابلطج عليهم هههههههههه و كنت هروح في 60 داهيه قبل كده لولا ستر ربنا و لسان ابن خالتي الحلو اللي انقذني من هذه الورطه ptmnlo123per172

لا ما تقلقش دي سهله و ما فيهاش حاجه
مسيرك تقع تحت ايد ضابط ابن ستين في سبعين تتنطط عليه حيعرفك ان الله حق
او تقع تحت ضابط محترم برضه حيعرفك ان الله حق بسبب استهتارك دا
فمتقلقش من النقطه دي نهائي ححتتحل لوحدها!!!!!!!!!

اقتباس:

خامس عاده
بتروش و بتوه في الزحمه و بعد اتنرفز علي خلق الله و كنت همسك في خناق سواقين التكسه اللوووووز و كنت هتضرب طبعا

ماهو الغلط منك مش منهم انت اللي بتتروش انت لازم تعمل حسابك انك ورا الدركسيون ما تمشغلش غير باللي حواليك بس و عينك تبقي في وسط راسك

اقتباس:

سادس عاده
صوت الكاسيت بعيله اوي و مبسمعش كلاكسات و لا اي حاجه ( ببقي ماشي مع نفسي ) و كنت هعمل 60 حادثه بسبب الموضوع د

اعتقد انك جاوبت علي نفسك
ماشي سرحان فلازم تغلط و بالمنظر دا عمر ما رد فعلك حيبقي سريع لو لا قدر الله حصلك موقف مفاجئ

اقتباس:

سابع عاده
معنديش حاجه اسمها اشارات بحود علي الملفات ( و طبعا باصص في مراياتي ) بس من غير ما ادي اي اشاره و طبعا كنت هخيش 90 مره بسبب الموضوع ده

لا يا برو مش ممكن كده!!!!!!
يعني انت حتخيش 90 مره و ما اتعلمتش من دا كله
الواحد لما بيغلط غلطه مره و التانيه بيبقي خلاص حفظ الدنيا ماشيه ازاي و بيحاول يتعلم من اخطاءه

اقتباس:

بعد احدف ساعات علي اللي جنبي ( و مش اهمال مني و الله عشان ساعات بسرح ) و طبعا كنت هحك العربيه

طب دا مش اهمال امال تسميه ؟؟؟
هو المفروض انك اللي جنبك ياخد باله ان عربيتك جايه عليه
ماهو صحيح حتعمل ايه و لا ايه مش كفايه سرحان ..
كمان عاوز تاخد بالك من السواقه مش معقول طبعا!!!!!ههههههه

اقتباس:

الاولويه عندي تفادي العربيات و لكن الموتوسيكلات و الناس اللي ماشيه علي رجليها ربنا يستر عليهم من سواقتيptmnlo123per172

ربنا يستر عليك انت كمان و يكفيك الشر
لان خبطه البني ادم صعبه جدا و ربنا ما يوريهالك ولا يوريها لحد
تخيل كده واحد بيعدي الشارع من الناس اللي انت مش بتفاديها دي و جه علي عربيتك
و سين و جيم و قسم و محضر و قضيه و محكمه
و اهلك يتشحططوا وراك و تدخل الحجز مع المشبوهين و المسجلين
لو فكرت في الكلام دا كله حتخاف تنزل من الشارع من اساسه باسلوب سواقتك دا.

اقتباس:

اشارات المرور بنسي و اقوم كاسرها و طبعا كنت هروح في ابو نكله بسبب الموضوع ده

مافيش حاجه اسمها بتنسي
بتنسي يبقي تقعد في بيتك ما تسوقش عربيات و تجيب الضرر لنفسك و اللي حواليك
لان اللي بتعمله دا يا برو مش اسمه سواقه
السواقه مش بنزين و فرامل و مجرد اني بعمل اوازن البنزين و الدبرياج و الف الدركسيون
يبقي كده انا بقيت سواق
السواقه تحكم و تناغم بينك و بين العربيه و بين الطريق و اللي ماشيين فيه
لاني مش عايش لوحدي في الشوارع .
ارجو ان تتقبل كلامي بصدر رحب رغم اني عارف اني كنت عصبي شويه
لكن انا فعلا بتغاظ من اللي بيمشي بالمنظر دا في الشارع و لقيتك قدامي بقي
قولي اعمل ايه:HAPPY_~211:
لازم تقعد فتره ما تسوقش و بعدين اتعلم السواقه و انسي اللي كنت
بتعمله دا لان دا مش اسمه سواقه خاااااااالص