مصر موتورز مجتمع السيارات - مشروع لادا نيفا اوف روود

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - مشروع لادا نيفا اوف روود (https://www.masrmotors.com/vb/showthread.php?t=144358)

رد: مشروع لادا نيفا اوف روود

اقتباس:

المشاركة الأصلية كتبت بواسطة ahmed_eng2001 (المشاركة 1045510)

انا مش معايا نيفا ... فمش حعرف افيدك كتير
و لكن بصفة عامة .... ياريت حضرتك تحط سقف مادى علشان متخرجش عنها

و اجاوب حضرتك على خفيف كدة على ما حد معاه نيفا يفيدنا اكتر ...

1) هل بالمبلغ دا الاقي نيفا نضيفه ولا لأ

لازم حضرتك تنزل و تتفرج بنفسك على اكتر من عربية علشان تحدد ... و على العموم العربيات المستعملة رفعت شوية

2)هل ينفع اركبلها عفشه و جنوط اوف روود و تنفيخ و تعديل و الحركات دي
ايه الى يخليها متنفعش !! ممكن طبعا ... بس حضرتك حتحتاج تركب حاجة زى الطنبورة على الطنبورة الاصلية علشان تبعد الكاوتش الجديد شوية عن العفشة ... ده لو حجم الكاوتش كبير و بيخبط فى المقصات او المساعدين
لو حجم الجنوط الجديدة كويس و مش بيخبط فى حاجة .... مش حتحتاج تعدل فى الطنابير

3)هل موتورها احسن ولا يتسقطلها موتور بتيربو وليكن 1600 او موتور ديزل
لو زودت الكاوتش ... حتحتاج تكبر الموتور شوية علشان يكون كفاية على الكاوتش و الغرز و العزم

4)هل ينفع يتعمل بيها درفتات حتي لو شيلت فتيس الغرز و الكارونه
اى عربية عالية عن الارض بتتقلب بسهولة عند عمل الدريفتات .... حضرتك بتتكلم عن توطية العربية ... و برضو مش حتكون ثابتة زى العربيات السيدان

5)هل ينفع اغير التابلوه القديم بالجديد و اغير الكراسي بحاجه نضيفه
انا سمعت قبل كدة انه ممكن

6)هل ينفع اركب كونسول بفتحه تكييف ورا و دا بعد حل مشكله الحراره و العزل
اعتقد انه ممكن ينفع طبعا ... بس حتحتاج كونسول خلفى بياخد هواء مباشر من التلاجة الامامية ... او حتركب تلاجة خلفية

7)هل في شغل ليدات للفوانيس او ليدات معينه بتركب جوا الكابينه
انا شفت شغل اضاءة كتير و جميل جدا لكل العربيات .. فمن الممكن ان يكون كويس جدا للنيفا

متابع معاك

انا حددت زى تمنها كمان وليكن 20.000 .. عامه شكرا لرد حضرتك وبانتظار ملاك النيفا اكيد عندهم الخلاصه

رد: مشروع لادا نيفا اوف روود

تابع و اتفرج على صور على النت لعربيات نيفا .. و الناس مظبطاها ازاى و ايه الكماليات الى ممكن تركب فيها
كدة حتاخد فكرة و خبرة اكتر
السؤال المهم ... حضرتك جربت النيفا قبل كدة ؟؟ سقتها و ركبتها ؟؟
احتمال النيفا اصلا متعجبكش ... و تنقل تفكيرك على حاجة تانية

رد: مشروع لادا نيفا اوف روود

اقتباس:

المشاركة الأصلية كتبت بواسطة ahmed_eng2001 (المشاركة 1045520)

اللي خلاني اميل للنيفا و التعديل عليها رخصها يعني مش هجيب حاجه غاليه و اصرف عليها قد كده .. وكمان تبقي مختلف شويه عن الناس دا كل قصدي .. و انا بالفعل بدات ادور ع حاجه غيرها بس هتبقي سيدان يعنى تعديل غير الاوف رود اكيد

رد: مشروع لادا نيفا اوف روود

انا عندي نيفا 96 اهم حاجه عند الشراء عربيه نيفا ان تتاكد من
1-ان تكون العربيه سليمه الدواخل و ياريت تكون مش مغيره لون لان ده بيحفظ قيمه العربيه
2-حاله الكرونه ان تكون بحاله جيده و مفيش و نه و تجربه السياره علي سرعات عاليه و العربيه اصلا دفع رباعي يعني كرونه اماميه واخري خلفيه لكن الغالب بيتم الغاء الكرونه الاماميه و فتيس الغرز لكن لا يمكن الغاء الكرونه الخلفيه لانها اللي بتحرك العربيه
3- مشكله الحراره ان تكون مغيره ردياتير و حالته معقوله و التاكد بعد تجربه العربيه انها لا تسخن لان الردياتير الجديد حوالي 700 جنيه ده غير الخراطيم الكوتش
4-حاله الكوتش لان كوتش النيفا الاصلي مقاس 16 و غالي جدا والكوتش الاستيراد مش امان معها لانها عربيه عاليه عن الارض
5-حاله الموتور تكون جيده والافضل ان تقيس كبس الموتور في مكان متخصص للتاكد من حالته و موضوع تسقيط موتور اخر اعتقد انه ممنوع من المرور و موتور النيفا حتي 95 كان 1600 و بعد كده 1700 و بيثبت في الرخصه 1600 عزمه عالي جدا و العربيه مش محتاجه اكتر منه
موضوع الدرفتات بالنيفا ده بيحتاج كوتش عريض علشان يثبت العربيه بالارض و ما انصحش بيه مع النيفا لان العربيه وزنها تقيل حوالي 1200 كجم فاضيه و مش مصممه للمناورات و اجهزه التوجيه فيها كفاءتها مش عاليه كمان العربيه مش باور
20 الف يجيبو عربيه كويسه اهم حاجه انك تراعي اسياسيات العربيه تكون كويسه و متستعجلش في الشراء علشان ميتنصبش عليك وحدد بالظبط انت عايز العربيه تكون فيها ايه و ياريت العربيه اللي تشتريها متكنش فيها عيوب علشان متوجعش قلبك في البدايه علشان كده كده هتلاقي عيوب صاحب العربيه مداريها بس اهم حاجه تكون غاوي النيفا علشان العربيه دي حسب المنطق متعبه و ربنا يوفقق