مصر موتورز مجتمع السيارات - انا تعبت من دريكسيون اللادا تقيييييييل جدا

اقتباس:

يا باشا هتحس ان العربية حاجه تانى خالص طبعا كل الوصلات اللى من علبة الدركسيون والمناول والعلبة كل ده بيشتال هتلاقى العربية فى المطبات انعم والصيانة اقل وعلبة الدركسيون ما شاء الله عمرها طويل جدا هو بتاع العفشة عارف كل حاجة وزى ما فلت لحضرتك هوه عليه كل حاجه هوه بيعمل تعديل فى الشكمان وبجيب وصله يطول بيها وصلة الدركسيون للعلبة الجديدة وبيلحم خوصتين حديد فى الكامره اللى شايله الموتور علشان بيثبت فيهم العلبة عادى مفيهاش حاجة طبعا بتاخد منه شوية وقت بس لازم صنايعى يكون عملها قبل كده وعلب الدركسيون انواع تقريبا من 250 الى 450جنيه وزى ما قلت لحضرتك بيركبوها من 800 الى 1000 والسعر اللى ماشى 1000 وممكن اكثر حسب المنطقة والبلد وهوه عليه كل حاجه

اقتباس:

نسيت اقول لحضرتك العربية بتقدر بعد التعديل ده تاخد اى دوران للخلف ولو ضيق بدون مشكلة لان محور اتجاه توجيه السياره اصبح اوسع من الاول بكثير ودى فايده كبيره

ألف شكر لردك الوافى أخى الفاضل, جعله الله فى ميزان حسناتك

سألت إمبارح على الموضوع ده عند الميكانيكى بتاعى, قالى بيركب و ورانى إيه بالضبط بيتغير و إيه اللى مخلى نص قطر دوران اللادا واسع
قالى ممكن تركب أسكاترا شاهين أو 131
بس مش هتعرف ترصص صح و الكاوتشات هتتنحل بسرعه
و ممكن تركب علبه التيوتا كرولا موديل 82-84 بس ليها 3 مسامير, 2 هيركبو و الثالث لأ
و فى حل أفضل من ده و ده و بيركب علبه دركسيون بدون أى تعديل و بتركب على نفس المقاسات بس بيجيب العربية دركسيون يمين (إستيراد من الخارج).

صدعته شويه بس حكالى على شوية الحاجات اللى قارفانا من اللادا و إزاى بتتعالج (الصوت و الخشونه فى الموتور - السخونه - تقل الدركسيون - ملص بيض العفشه ...... إلخ) بس فيه حاجات التعديل فيها مكلف جداً فعلاً.

أعاننا الله و إياكم على الكفاح مع آداة التعذيب .... لادا