| m_m_sh_a |
13-04-2015 01:12 PM |
رد: جوان وش السلندر
والله أللي أعرفه واللي شفته ..الجوان الصاج بياخد سليكون ..الجوان الجنجريد بياخد جملكة ..فيه بقى جوانات اللي هي المفروض جوانات أصلية ..زي اللي جبته عندي كده في العربية ..الجوان ده أصلا صاج بس بيكون متغطي بطبقه سودا كده تحسها كده زي الكاوتش أو المطاط ومرسوم عليه بالسليكون حوالين مجاري المياه والزيت ..والطبقه السودا دي لما بتسخن بتسيح وبتلزق ..ومتهيألي دي بتقوم بدور الجملكة ..الجوان ده بقى اللي أنا قلت عليه ما بيتحطش عليه حاجه ..يعني كل جوان ليه ظروفه..بس ممكن حضرتك تقولنا عايز تعمل إيه عشان نفيدك ..خلي بالك التحريق على الوش صنعه برضه ..عشان ممكن وإنت بتحرق على الوش تتلف الجوان وخصوصا إنه بيكون شغال بقاله أسبوع أو إسبوعين ..وممكن برضه وإنت بتحرق تكسر مسمار ..فخلي بالك موضوع التحريق ده ليه طريقه وعايزه أيد صنايعي
|
