مصر موتورز مجتمع السيارات - تاني مره 516 تسخن مني وتجيب جوان

اللى حصل واللى بيحصل دائما مع المشكلة ديه كالاتى

غالبا المشكلة بتبداء فى دورة المية تحصل مشكلة المية تنقص العربية تسخن
العربيات ديه موتورها ما بيصدق يشم السخونية بيجيب جوان اقل واجب
المشكلة ايه ده فيها كلام كتير طبعا

الحل الصحيح او الخاطىء للمشكلة
- ومن هنا النقاط الأهم ... الميكانيكى بيغير الجوان ويسلم العربية
هنا فيه كذا كارثة ممكن تحصل خد بالك
1- الميكانيكى ميسالش ويدور ايه اسباب نقص المية من الاول ويتاكد انها اتعالجت
2- ممكن الخراط ميخرطش الوش كويس او ميخرطوش اصلا والميكانيكى يوفر
3- ممكن يستخدم جوان مش كويس او ميلزقوش كويس الميكانيكى اثناء الحل والتركيب يبوظ حاجات تانية او ميظبطتش التركيب صح ( ظبط تاكيهات - تقسيمة - طبه زيت تفوت ) وهنا ممكن حتى حاجات تافهه زى غطا الريداتير مفوت تبوظ الطبخة كلها وهنا بيبنان الصنايعية اللى ايديهم نظيفة وبيشتغلو بتأنى وضمير واللى شغال تجارى
4- الميكانيكى لازم يعامل العربيه على انها عاملة عمرة ويسبها دائرة ساعات ويمشى بيها يجربها ويتاكد قبل التسليم انها مبتاكلش مية او زيت وطبعا مبتسخنش

من غير متتاكد من ان ال 5 نقاط دول اتعملو صح 99ز9% المشكلة هتتكرر تانى
طيب حتى لو انت مش قادر تقعد فوق دماغ الميكانيكى وتتاكد انه شغال صح على الاقل متدفعش وتستلم العربيه قبل ما تتاكد بنفسك انها دائرة ساعات مفيش مشاكل مشى فى الزحمة سلانسية مفيش سخونية بتركنها لما تبرد وتمشى تانى دورنها كويس ومبتسربش زيت
انا شخصيا انصح لو تقدر متدفعش كل الفلوس وتستنى لما تتاكد ان المشكلة اتحلت
انا شخصيا برضو وحكيت فى موضوع منفصل عملت كدة وفعلا اول ميكانيكى مكانش عملها صح
وتانى مرة دفع 2000 علشان اعملها صح والميكانيكى بتاع تاني مرة برضو جابت جوان معاه يجى مرتين لحد ما ظبتت

طيب لنفترض ان برضو بعد كل ده والمشكلة اتكرررت سواء مع الميكانيكى او بعد ما استلمت
هنا تتاكد ان فيه احتمالين
1- المشكلة الاساسية متحلتش
تانى ترجع تدور على سبب تسريب المية او الزيت
2- ان المشكلة الاولانية سببت مشكلة تانية
زى ان السخونية ادت لشرخ فى بلوك الموتور او تلفيات تانية فى باقى اجزاء المكنة
وفى الحالة ديه بنرجع لعمو الخراط والميكانيكى ونشوف الموضوع ابعادة ايه
طبعا فى الحالة ديه هنفكر جديا فى تغيير موتور كبديل للعمرة والاختيار بين الاتنين ليه حسابته

كده تانى هكرر مشكلة جوان وش السلندر عاملة زى السخونية عند البشر عرض لمرض ومن غير حل المرض اساس المشكلة انت محليتش حاجة وهيرجع يضرب تانى والاسواء انه ممكن كتر السخونية يسبب اضرار فى اجزاء تانية من الموتور غير الجوان والوش

فلازم لازم حل اساس المشكلة
ولازم التاكد من ابعاد المشكلة واثرت على ايه تانى
لازم تتستلم العربيه ومفيش تسريب مية او زيت
تتابع العربيه على مدى شهر بعدها فى استهلاك الزيت والبنزين والمية
غالباً بتحتاج تزود العربيه مية كل يومين تلاته الى اسبوع لكن لو بتستهلك مية جامد بمعدل يومى يبقى الحق ارجع تانى وشوف اساس تسريب المية بدل ما تنقص بمعدل اكبر وساعتها هتخش فى مشكلة الجوان