رد: عايزة اشترى عربيه فى حدود 37 الف
 

الحالة هي المهمة فعلا
لو العربيتين موجودين و بنفس الحالة أفضل البولو و خصوصا ان حضرتك واضح انك ميالة للهاتش باك

الاكسل حتبقي احسن في و جدود شنطة مساحتها كويسة ، مش عارف دي تفرق معاكي و لا لأ
لكن المشاوير الطويلة متفرقش مع البولو (عن تجربة) طالما حالتها كويسة

الكريسيدا عربية جميلة جدا بس قدمت و في اسكتدرية علي الاقل ملهاش قطع غيار

رد: عايزة اشترى عربيه فى حدود 37 الف
 

ردى على سؤالك : انا افضل الأكسل , و لكن مميزات و عيوب الأكسل و البولو كالتالى.......
كبر حجم الموتور فى الاكسل 1500 cc , حيث ان البولو 1000 cc فقط
التكييف قوى بالسيارات الهيونداى عموما , البولو اغلبها بلا تكييف و بالذات الموديلات القديمه.
تأثير التكييف على محرك 1500 cc لا يذكر .

بالنسبه لقطع الغيار الأتنين فى نفس السعر تقريبا بالنسبه للقطع الخارجيه من العربيه ( رفارف , شنطه , كبوت , - مجملا الصاج نفس الأسعار- )
بالنسبه لقطع الغيار الداخليه ( سيور - طرمبات بأنواعها - مياه , بنزين - و ما يخص قطع غيار الموتور الهيونداى اكسل ارخص

عوامل الأمن و قوه الصاج : البولو احسن من الأكسل بفرق كبير و ده بيبان فى الحوادث الكبيره ( ربنا يبعدنا عنها) لكن بالنسبه لحوادث الطريق العاديه يبقى كله زى بعضه .

انا لو هاشترى لنفسى ..... هاركب الأكسل بس على شرط انها تكون حاله نضيفه جدا و ذات اساسيات سليمه 100 %

رد: عايزة اشترى عربيه فى حدود 37 الف
 

انا متشكره جدا ليكم يا جماعه على اهتمامكم وردودكم الجميله والنصيحه
ومستنيه راى بقيه الاصدقاء

وانا حسه انى بقيت مياله للاكسيل اكتر
يارب الاقى واحده كويسه:)

رد: عايزة اشترى عربيه فى حدود 37 الف
 

الكيا برايد السيدان عربية عملية جدا بس مع التكييف والاوتوماتيك ادائها مش هيبقى كويس (هتبقى كسولة جدا) بالمقارنة بالاكسيل 1500

الاكسيل صالونها احدث واقيم من البرايد

الاكسيل فيها باور كتجهيز قياسى بس مش كل البرايد فيها باور

البرايد افضل فى استهلاك البنزين

عفشة البرايد اقوى وعامة اكثر عملية واعتمادية

ابعاد البرايد ممتازة وسهلة فى الركن او المناورة

لاكن عموما بدام عايزة اوتوماتيك منصحش بالبرايد لو مانيول ومش مهم فرق الصالون يبقى البرايد

رد: عايزة اشترى عربيه فى حدود 37 الف
 

أهم حاجة الاقتناع الشخصي ثم حالة العربية
لان في المستعمل ممكن تكون 128 أحسن 100 مرة من مرسيدس:w6w200504112206346 3