رد: مساعدة في شراء بايك ريس جديد 2015
 

ربنا يكرمك بس ده حال الدنيا , ا. هشام و د. رعد و انجكشن و كتيررررررررر اختفوا و بقالهم كتير مش بيدخلوا و لعل مانعهم عنا خير ان شاء الله .

رد: مساعدة في شراء بايك ريس جديد 2015
 

يا خساره باختفائهم ده المنتدي خسر اكثر ناس احترام وخبرة ياريت في يوم من الايام يرجعوا يدخلو المنتدي تاني بس انشاء الله حضرتك وكتير هنا في المنتدي تكونوا موجودين دائما يارب لمساعدة الناس بس اوعا حضرتك انتا كمان تطلع في دماغك وتسيب المنتدي كمان تبقي الحكاية كملت خالص

رد: مساعدة في شراء بايك ريس جديد 2015
 

بخصوص البايك الريس طبعا حضرتك رشحتلي النوعين دول :-
1- 600 f 4
2- 600 f4i
كان ليا سؤال لحضرتك انا انشاء الله بعد ما شوفت الانواع الجميلة اللي حضرتك عطتهاني قررت ازود علي الميزانية 10 الاف جنيه يعني الميزانية هتبقي (40 الف جنية) هل في انواع افضل من كده في حدود المبلغ ده وسمعت عن نوع اسمه cbr 600rr repsol فالريبسول ده منتشر عندنا هنا في مصر وقطع غياره متوفرة يعني ايه عيوبه ومميزاته وسعرة فممكن حضرتك تديني نوع من الاخر مزهقش منه واضطر ابيعه بعدين وهل حضرتك لو جبت من معرض مش هاحتاج اخد حد معايا يعني بيبقي موثوق في بتوع المعارض احسن من الناس العاديه ولا لا حتي لو كانوا بيزودوا الفلوس مش مشكلة بس اهم حاجة تكون البايك افراج بمعني كلمة افراج يعني ملمستش ارض مصر ولو في معرض حضرتك بتتعامل معاه يكون ثقة قولي عليه لاني الصراحة الموضوع ده الصراحة شايل همه ومحيرني لاني معرفش حد ثقة اقدر اجيب منه تاني حاجة معنديش حد من اصحابي عنده خبرة في الريس ولا حتي بيعرف يسوقها كلهم اخرهم الصيني معلش طولت عليك ويا ريت تقدر تفيدني وشكرا

رد: مساعدة في شراء بايك ريس جديد 2015
 

كدا تقدر تجيب 600 ارار موديل من 2004 ل 2007 بس ممكن يزيد الفين تلاته او تجيب مكنه 954 موديل 2003 ,,, بس لو اول مره تركب يبقي خليك في 600 ارار , مكنه حلوه و نفس سرعه ال 954 و شكمانها تحت الكرسي و موديل حديث و بياع و تحاول تدور و تقارن بين كذا واحده بحيث ترسي علي واحده عدادها شويه و موديلها حديث .
الريبسول ده يبقي الدهان بتاعها انما هي مكنه 600 عاديه خالص .,. و المعارض كتيررررررر لاني مش من القاهره و هتلاقي موضوع هنا عن عناوين المعارض المشهوره , اشهر معرض اللي سمعت عنه من هنا هو تامركو .

رد: مساعدة في شراء بايك ريس جديد 2015
 

الف شكر ليك يا باشا