رد: الشورت بلوك للسياره النوبيرا
 

رد: الشورت بلوك للسياره النوبيرا
 

مش من المفروض ان الميكانيكى بيجى معايا وبيجرب الموتور قبل ما نشترى وبيبقى مسئول عنه لو فيه حاجة . ومين ممكن يكون احسن واحد اشترى منه فى الحرفيين .
والمشلكة بقى لما يبدا يفك , انا اللى مخاوفنى انو يلاقى حاجات تانية عايزه تتغير وكمان مش عارف اجيب اى حاجه تانية استيراد والا جديد

رد: الشورت بلوك للسياره النوبيرا
 

عربية حضرتك البوابة كهرباء
يبقى خليك فى المواتير الـ 1500 عشان متغيرش حاجة تانية غير الشورت بلوك فقط
انما لو جبت 1600 بوابة واير هاتضر تغير المنفولد واعتقد ان الكنترول مش هايشتغل كويس عليها
كنت جبتة من حوالى سنتين بـ 2750 من الحرفيين وفك وتركيب 350 جنية
حاول تاخد ميكانيكى معاك ينقى الموتور وتتفق مع التارجر ان لو فى حاجة فى خلال اسبوع الموتور يرجعلة ويتحمل نص ثمن الفك والتركيب

رد: الشورت بلوك للسياره النوبيرا
 

يعنى كده احنا بنتكلم فى شورت بلوك كهربا نفس مقاس الموتور اللى راكب(1500)
طيب انا عندى مشاكل تانية زى عضة وصوت فى الفتيس وهو بياخد الاول والعربية بتبقى ماشية لكن لو واقفة مفيش عضة ولا صوت.
وتانى حاجة الدبرياج عندى بيتقل بعد ما بمشى بالعربية شوية ولو الطريق وقف واضطريت امشى على الاول ورجلى على الدبرياج كتير بيروح ساقط
فالميكانيكى قالى هانغير طقم دبرياج وواحد قالى هانغير الفتيس لان العضة دى ملهاش حل
فاريكم ايه ولو هاجيب الحاجات دى اجبهم استيراد والا جديد
وانا شاكر تعاونكم معايا

رد: الشورت بلوك للسياره النوبيرا
 

بص يا باشا انا كان عندى العضة ديى و خفيتها تماما
اولا حتتأكد من عقربة الفتيس مفيهاش اى بوش زائد عن الطبيعى ( لان طبيعى فى بوش ) و لو فيها بوش فى اى مكان يا يتعالج يا يتغير الجزء المسبب للبوش
و بعدين حتظبط الرجلاش
و بعدين حتغير الزيت بالزيت دا
venol 75w-90 gl-4 semi synthetic ( نصف تخليقى او شبه تخليقى )
من توكيل لكوى مولى الزيت ألمانى الصنع و تقريبا العلبة اللتر كانت بحاجة و تمانين جنيه
بس عن تجربة موضوع العضة دا عندى بالرغم انى كنت ظبطت البوش و الرجلاش 100% بس برضه الصبح فى السقعة كانت بتعض لما غيرته فورا بمعنى كلمة فورا العضة راحت
و الصوت اللى فى الفتيس و هى بتاخد الأول طبيعى و هى فابريكا حتى كدا بس الصوت دا كمان قل جدا لما غيرت للزيت دا ( مرحش نهائى يعنى )
ملحوظة : ديى اقرب صورة لعبوة الزيت لان الصورة gl-5 و مش شبه تخليقى
http://rebelmg.com/wp-content/uploads/2014/05/10_b.jpg