|
رد: عايز اشترى عربية ومحتار فى ميزانية 120 الف
عليك وعلى الكرولا او الاوكتافيا وسيبك من اى حاجة تانية
|
رد: عايز اشترى عربية ومحتار فى ميزانية 120 الف
تمام يا احمد باشا طالما الوضع كدة اجل البى ام دلوقتى خالص وخليك فى العملى وفى الحالة ديه يبقى الكرولا بس اهم حاجة الحالة طبعاً والعداد ميكونش معدى ال 100 الف
البى ام علشان تركبها مستريح تجيبها زيرو او كسر زيرو فى اول خمس سنين بعدها بتفتح بقها فمبالك بالموديلات القديمة السيفيك ركوبة جميلة وخاصة موديل 2008 ده انا شخصيا بحترمة جداً بس كصيانة وقطع غيار نار يا حبيبى نار برضو الفيكترا تجرى منها مش بس تبعد عنها وقطع الغيار برضو نار والصيانات عايزة علماء فضاء من ناسا يا التوكيل ملهاش تالت الاوكتافيا مش بطالة خالص بس علشان تلاقى حالة كويسة مش وارد اوى بس عامة هى ارزاق كمان نضيف للقائمة ديه الهيونداى النترا اجدع بكتيييييييير من السيراتو وبيتقارن بره وجوة بالكرولا وبتتفوق عليها كمان بتكلم طبعاً عن موديلات 2008 - 2009 - 2010 -2011 وعامة شوف هتلاقى ايه قدامك وتعالى نفكر مع بعض فى الانسب ومبروك مقدماً |
رد: عايز اشترى عربية ومحتار فى ميزانية 120 الف
انا كمان نفس مشكلة استاذ احمد نفس المبلغ معايا ومحتار جدا بين 318i موديل 2003 - 2004 وبين اوكتافيا a5 2009 مع العلم اني بقطع كل يوم 200 كيلو
|
رد: عايز اشترى عربية ومحتار فى ميزانية 120 الف
لو عاوز حاجه زيرو علشان تريح نفسك من الكشف على العربيات والله اعلم هيبقى فيها ايه رغم الكشف فانصحك تركب سوزوكى سياز
العربيه ديه مع الوقت هتنتشر ان شاء الله بس لسه ناس كتير متعرفهاش |
رد: عايز اشترى عربية ومحتار فى ميزانية 120 الف
دوس فيها يا باشا سيبك من اي كلام واللي يقولك كرولا والنترا وسيراتو معلش في كلامهم انت تقارن السيراتو والالنترا ببي ام ازاي وباي وجهه نظر انا ممكن اقارن بينهم في حاله واحده ان التوكتوك يتساوي مع الطياره طبعا مفيش اي شك خش فيها بقلب جامد اهم حاجه تكشف في التوكيل وتكون حالتها ممتازه يدوبك هتغير زيوت وسيور ومساعدين وكاوتشات وحافظ عليها كويس مش هتكسفك ولا عمرها هتعطل منك ولا تعطل ولا ولا ولا انا زيك بدور عل 318 موديل 6-7 ورايح اشوف واحده الاسبوع الجاي وتقبل مروري
|
| الساعة الآن 06:10 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017