مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - متور لادا 2107 (https://www.masrmotors.com/vb/showthread.php?t=133931)

رد: متور لادا 2107

اقتباس:

المشاركة الأصلية كتبت بواسطة zing0 (المشاركة 986700)

برضو تانى هأقولك : خلى محمد طلبه يجيبه و يسقطه و يجربه و تأخده على ضمانته, و لو مستبعد المشوار ممكن يسقطهولك عندك (عنده صنايعى إسمه هشام للتنقلات الخارجية) - دليفرى يعنى :)
إدى العيش لخبازه
و حضرتك ليك مطلق الحرية
========================
مبدئياً المكنه الصح المفروض خراطيمها مقطوعه (مش مخلوعة) و القواعد بتاعتها كاوتش لادا الأصلى (قطعة واحدة مش كاوتش مزيكا), و طبعاً المكنه كل مساميرها و خراطيمها قديمة (بزيتها و ترابها) مفيش أى حاجه جديدة أو بتلمع.
هتشوف البوجيهات (تفكها) و تبص عالسن علشان تشوف عليه زيت و لا لأ و تبص على كارتيرة الزيت (الجوان و الطبة) فيه تعريق زيت و لا مفيش.

كل الكلام ده كلام للكشف المبدئى, و أكيد التجار ميفوتش عليهم حاجه من دى

اللى خايف عليك منه تجيب مكنه 1200 على إنها 1600 لإن مش أى حد يعرفها و كل المكن نفس الشكل بالتمام.

أعانك الله

والله انا مقدر خوفك عليا من غش التجار وسعيد جدا بذالك بس المشكلة ان والدى اتفق مع مكانيكى قربنا من غير ما يعرفنى وانا بصراحة مش واثق فى المكانيكى دة لما ينزل معايا نجيب الموتور من ناحية الخبرة وادبس لو ينفع محمد طلبة يزل معايا نجيبة والمكانيكى تبعنا يسقطة واكمل بعد كدة باقى شغل العربية عندة

رد: متور لادا 2107

اقتباس:

أعانك الله, بس المهم دايماً تأكد على الميكانيكى إن كل حاجه على مسئوليته - ده شغله و هو اللى يفهم فيه
ربنا يكرمك و يعينك و تشوفها عروسة و يطعمك بخيرها و يحميك من شرها

اقتباس:

مكتوب كود على البلوك من برة بيفرق بين السعة اللترية

قد أكون مفهمتش الموضوع بالضبط, بس أنا أعرف إن الكود مش عبارة عن رقم (غير مباشر) الصنايعى الصح بيفهم الرقم ده معناه إيه, يعنى مش هيكتب 2107-1600 مثلاً, الروس غاويين يحيرونا معاهم.
عالعموم ربنا يوفق صاحب الموضوع
و نعيش و نتعلم من أستاذنا Mr Astra ربنا يبارك له فى صحته و عمره و ميحرمش الناس من علمه.

رد: متور لادا 2107

اقتباس:

اخى الكريم ZINGOاشكرك جدا على شعورك الطيب وكلامك اللى فعلا بيثلج صدرى
الرقم صريح ومباشر على البلوك من برة وهو زى كدة
02
03
05
06
طبعا 06 يعنى 1600 سي سي والمكنة بتكون زرقاء اللون

اما بقى رقم الموتور اللى عند فلتر الزيت مهندس الفحص الفنى بياخدة وهو عندة كتاب كبير اوى كدة بيدور على رقم الموتور وبيلاقى السعة اللترية بتعتة
استنى هادور على فاتورة شراء عندى وارفعهالك

رد: متور لادا 2107

موضوع الكود ده سهل جدا وبالنسبة للمكن الـ 1200 القديم ده حلو اوى احسن من الجديد ولون البلوكة بيبقى رصاصى ده المواتير القديمة اما الجديد بيبقى لونها أزرق بالنسبة للكود(بيبقى على جانبى البلوكة من الجانب اليمين تحت الفرن ومن الجنب الشمال بيتهيالى تحت البوجيهات نمرة 4 و3 بالنسبة للأكواد هى (03) وبيبقى من ناحية (03) ومن الناحية التانية مكتوب 2103 وده معنه الموتور ركبة واطية الموتور الصغير وبيتهيالى السعات اللترية للموتور من 1200سى.سى الى 1300سى.سى.
الكود التانى اللى اعرفة هو (05) وده معنه ركبة عالية وده بيبقى الموتور الكبير.
الكود التالت (06) وده الـ 1600سى.سى وغالبية اللى فى السوق الـ 1600 بتاع النيفا القديم فيفضل كود(05) بتاع الـ 1500سى.سى بالنسبة للدربكوس حوال على اد ما تقدر يكون 5 غيار والموتور يكون كامل ان امكن ذلك.
أرجو ان اكون افدت حضرتك.

أخوك محمد

رد: متور لادا 2107

اقتباس:

المشاركة الأصلية كتبت بواسطة mr_astra (المشاركة 986799)

مستر استرا ازاى حضرتك عامل اية ارجو ان تكون بخير وبالنسبة لموضوع 02 ده انا اول مرة اعرف ان فى 02 هل ده بتاع المواتير ال 1200.:01FDAB~189: