مصر موتورز مجتمع السيارات - ضبط رجلاش الدبرياج إزاى؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - ضبط رجلاش الدبرياج إزاى؟ (https://www.masrmotors.com/vb/showthread.php?t=131808)

رد: ضبط رجلاش الدبرياج إزاى؟

اقتباس:

المشاركة الأصلية كتبت بواسطة zing0 (المشاركة 978365)

هو ده بالضبط إللى عندى
طيب بتلف الصامولة اليتيمة كام لفة ؟ و فى اتجاه عقارب الساعة و لا عكسها لو عاوز توطى الدبرياج؟
و لا لحد ما الغيارات تبقى سهله و خلاص؟

و لو متابعتنيش هأزعل بجد
و الله يا بشمهندس إنى أحبك فى الله
لا بينا مصلحه و لا غيره
نفسى ربنا يقدّر و أقابلك فى أى فرصه سعيدة و أتعرف عليك أكتر و أتشرف بإنى عرفت إنسان محترم زيك, ربنا يديم الود فى الدنيا و يجمعنا مع حبايبنا فى مصر موتورز مع النبى فى الجنة.
آمين يا رب

دى حاجة تزيدنى شرف ... ربنا يديم المعروف
انا كمان نفسى اقابل حضرتك و نتعرف ان شاء الله
لو مرة رايح عند عم حمدى الميكانيكى ... بلغنى و ممكن نتقابل هناك ان شاء الله ... و نقول لهشام باشا الجزار ييجى يقابلنا كمان و اى حد يحب يقابلنا .. نتشرف بيه و بحضرتك
و عم حمدى راجل عشرى جدا و فاتح ورشته للى عاوز يتعلم

بس بلاش حضرتك و محترم و الكلام الكبير ده ... علشان بيخلينى ازرف دمعة

اما بالنسبة للصامولة ...( الكلام ده فى عربيتى ) لو لفيتها شمال بتزود المشوار و تريح الدبرياج ... اليمين .. بيخلى المشوار قصير
و مفيش ادامك غير try and error يعنى تلف الصمولة شوية و تجرب ... و ترجع تعدل و تجرب و هكذا
ربنا يوفقك ان شاء الله

رد: ضبط رجلاش الدبرياج إزاى؟

اقتباس:

المشاركة الأصلية كتبت بواسطة ahmed_eng2001 (المشاركة 978378)

الله ينور عليك يا برنس على الكلام الجميل والمفيد ده
بس لو ممكن صور توضيحية لمكان الصمولة دى بالظبط لانى مش عارف مكانها فين فى العربيةايه ياترى

رد: ضبط رجلاش الدبرياج إزاى؟

اقتباس:

المشاركة الأصلية كتبت بواسطة Ahmed_Esmail (المشاركة 978743)

مع الاعتزار .... انا مش معايا لادا ... الاستاذ زينج هو الى معاه اللادا ... فلو تفضل و صور هذه الصامولة يكون كتر خيره ...

لو عاوزنى اصور لحضرتك الصامولة دى عندى ... معنديش مانع

رد: ضبط رجلاش الدبرياج إزاى؟

mr astra

اقتباس:

الدبرياج عالى يعنى الفصل والوصل بتاعة لفوق نقول مثلا فى الثلث الاخير اللى فوق
مثال
لو حضرتك من وضع السكون اديت النقلة الاولة هاتسيب دبرياج طبعا عشان العربية تتحرك
لو العربية بدات تتحرك فى الثلث الخير يعنى الدواسة لتحت يبقى كدة تمام
فى النص تمام
فى الثلث الاخير لفوق يبقى كدة الدبرياج عالى
طب لية الميكانيكى مش عارف يوطى الدبرياج؟ عشان بتكون الاسطوانة متاكلة والغيارات هاتزعق عشان كدة معلى الدبرياج بغرض الاستفادة من طول مشوار البدال
فعلا لو البدال عالى ومش عارف توطية شوية يبقى الاسطوانة عاوزة تتغير لكن ممكن يمشى الحال بيها وممكن تعود نفسك على النقل بدون دبرياج (هاتيجى بالتعود) عشان تحافظ على عمر الاسطوانة ومجموعة الدبرياج بالكامل
لان سعر الاسطوانة مش كبير وانما الفك والتركيب غالى
تقبل مرورى

elnagar175

اقتباس:

مساء الخير
مستر الدبراج فى اللادا من تحت الجانب اليسار للسيارة يعنى تحت السائق يوجد بين المستر وبين فرش الدبرياج مسمار لة رجلاش صامولة 17 وصامولة 13 كنتر لو الدبرياج بيفصل فوق يتم ربط الصامولة 17 ناحية المستر يعنى هيبقا ربط يمين مع عقارب الساعة والربط يكون من ناحية مؤخرة السيارة ولازم يكون معاك بنز امريكانى علشان تمسك صوبع الدبرياج ونتا بتربط الصامولة بتاعت الرجلاش ولو الدبرياج واطى هتعكس الحركة على حسب البدال مش المقاس
ودمتم بخير

رد: ضبط رجلاش الدبرياج إزاى؟

اقتباس:

المشاركة الأصلية كتبت بواسطة ahmed_eng2001 (المشاركة 978749)

اولا مفيش داعى للاعتذار
وثانيا مين قلك انى انا عندى لادا انا عربيتى BYD F0 وكان عندى زمان لادا
انا كنت طلبت تصور الصمولة دى فعلا عندك ولو تعرف مكنها فى BYD F0 يبقى خدمتنى جدا(صورة)