مصر موتورز مجتمع السيارات - خلاصة تجربتى فى تركيب فتيس لانسر بطه على هيونداى اكسيل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

رد: خلاصة تجربتى فى تركيب فتيس لانسر بطه على هيونداى اكسيل

بيعجبنى فيك يا استاذ سيد انك بتعمل اى شغل فى العربية بمزاج واستمتاع
بسم الله ما شاء الله ربنا يبارك لك فيها
انا عن نفسى كنت بشد العربية الاكسل الفترة اللى فاتت وصرفت كتيير
من ضمن الحاجات اللى غيرتها الفتيس
لما نزلت بور سعيد سألت على فتيس الاكسيل لقيت سعره يتراوح من 900-1000 جنيه , وفيه واحد صاحبى كان مركب فتيس بطة على الاكسيل بتاعته فقلت اشوف فتيس البطة يعمل كام
وانا ماشى برضه فى بور سعيد فى بنك الاسكان لقيت واحد عنده مواتير يابانى فسألته على فتيس لانسر بطة , قاللى عندى وافكه لك من على متور طيب بكام قاللى ب 700 , انا قلت فرصة
بصراحه وهو بيفكه تحس ان الفتيس اول مرة يتفك , بعد الفك سألته اوعى يكون الفتيس ده اربعة غيار قاللى لأ هو 5 غيار
بعد الفصال اخذته ب 600 جنيه ووفرت اكتر من 300 جنيه من فتيس الاكسيل الكورى
بس ركب عندى عادى من غير تعب ولا حاجة على نفس القواعد والتيش
موضوع شدادة الفتيس لما اغسل العربية هبقى افحصها واشوف فيه خلوص ولا لأ
التجربة طبعا افضل من سابقه لكن عندى مشكلة بعض مرة فى المارشدير ساعات مش بييجى بسهولة
انا حطيت 2.5 كيلو زيت فتيس التعاون درجة 140
كدة كفاية ولا ازود كمان
تقبل تحياتى

رد: خلاصة تجربتى فى تركيب فتيس لانسر بطه على هيونداى اكسيل

اقتباس:

المشاركة الأصلية كتبت بواسطة miam0502788391 (المشاركة 978482)

الله يخليك يا باشا
ودايما الاهم من الشغل المزاج فى الشغل
ما دام الواحد هيعمل حاجه يعملها صح للاخر وباستمتاع :)

بالنسبه لموضوع الزيت كده تمام اووى ومتزودش عن كدا

بالنسبه لموضوع المرشدير ده حاليا اللى عندى كل الغيارات تمام ما عدا المرشدير وده حله انى اروح للميكانيكى الى قالى تعالالى بعد العيد وانا اللى طنشت ممكن اروحله بكره ان شاء الله واخليه يظبطها بقى واخلص من موضوع الفتيس نهائيا :)

رد: خلاصة تجربتى فى تركيب فتيس لانسر بطه على هيونداى اكسيل

بسم الله مشاء الله
وربنا إن شاء الله يبركلك فيها
الفكرة جامدة انا عن نفسى استفات منها و
شكرآ على الاضافة

رد: خلاصة تجربتى فى تركيب فتيس لانسر بطه على هيونداى اكسيل