رد: انا بساعد الكل ارجو المساعده
 

شكرا مستر استرا ....بس انا عندى استفسار ..اه نظام الاسترا فى البيع لان انا ملاحظ ان الميجان مش بتتباع فهل لو الواحد حب يطلع من الاسترا حيعرف يبيع ؟؟

Sent from my GT-I9100G using Tapatalk

رد: انا بساعد الكل ارجو المساعده
 

ما فيش حاجة مش بتتباع كل العربيات بتتباع
انما العربيات الاروبي عموما مش بتتباع زى الكورى واليابانى
الفكرة فى سرعة البيع
التويوتا بيقولو عليها فى البيع انك معاك شيك فى جيبك تصرفة اى وقت انت عاوزة
انما الالمانى بصراحة تقيل شوية وخصوصا الاسترا البرازيلى
عارف الاسترا الالمانى اللى هى 2000 و 2001 بتتباع اسرع ودلوقتى اغلى .... تخييل !!!!
دة فى ناس بتطلب فيها 70 الف
كانت معايا شركة برة وجوة حالة فوق الممتازة بـ 45 الف من 4 سنين تقريبا
الاسترا البرازيلى عربية قوية وناشفة صراحة زيادة عن اللزوم
فيها موتور بقتيس ممتاز لكن فيها عيب مشهور اوى وهو الكنترول بتعها لازق فى المحرك فبيسخن وبيعمل مشاكل
كمان عشان هى متعملتش غير فى البرازيل وعندنا ملها اكسسوار استيراد لازم جديد
كنت بكلم تاجر استيراد اوبل وبقولة لية ملهاس فوانيس واكسوار استيراد
قالى انة سافر البرازيل يجيب انصاص من هناك واكتشف ان الحالات عندنا احسن من عندهم فامجبش
العربية على فكرة اقتصادية جداااااااا فى البنزين
تكيفها حلو كتبريد لكن بيبوظ باستمرار
ثبات ممتاز وفرامل ممتازة
اشترى حالة بغض النظر عن الفلوس وخلى بالك من الطابلون بتعها خصوصا من عند مكان الـ ايرباج
ربنا يكرمك بحاجة كويسة

رد: انا بساعد الكل ارجو المساعده
 

متشكر جدا لكل النصائح ديه انا حبص النهارده على الاوبل و ربنا يسهل

Sent from my GT-I9100G using Tapatalk

رد: انا بساعد الكل ارجو المساعده
 

شفت الموضوع من انبارح و كنت مع الاسترا لانها الماني بس انتظرت اراء الاعضاء الاكثر خبره ,,, و كمان سمعت من ناس مش بيشكروا في ميجان 2 لان علي كلامهم حساساتها كتيره

رد: انا بساعد الكل ارجو المساعده
 

انا قررت انى اصرف نظر عن الاتنين و استنى شويه و ازود شويه و اجيب اي حاجه هايونداى و خلاص علشان انا كل مره مش بسمع الكلام و بجيب عربيه مش هايونداى و بندم فى الاخر فا المره ديه حاخودها من اصرها بقى و امرى لله

Sent from my GT-I9100G using Tapatalk