المشاركة الأصلية كتبت بواسطة Gazzar (المشاركة 76075)

بالعكس انا مستمتع جدا انى اتناقش مع اعضاء اكبر منى و اكثر خبرة و انهل من خبرتهم ديه!!!!!

عفوا ، احنا بنتبادل الخبرات و المعلومات

اكيد طبعا لم و لن يوجد انسان مثالى غير سيدنا محمد صلى الله عليه و سلم, بس انا مكنتش اقصد كده خالص من كلامى
انا لما جوبت على السؤال كنت اقصد ان الاجابة مش حتخرج عن اتنين : اللى فاطر بمزاجه و لا حيهمه ولا واحده من التلاتة
انما المتمسك بدينه بقى حيبقى متمسك بدينه و عمره مايضعه فى مواجهة مع القانون و يقارن بينهم عشان الدين عنده فوق كل شئ و لو القانون مخلفش الدين كان بها و يحترمه لكن لو خالف يبقى انا ملتزم بدينى و مليش دعوة و ده كان قصدى من عدم و ضعهم فى مواجهة....

و لكن انا ليا استفسار : هل العرف هو الاخلاق؟؟؟
ماظنش ده ..... العرف هو العادات والتقاليد السائدة فى مجتمع ككل و المتوارثة جيل بعد جيل اما الاخلاق فهى الصفات اللى بيتصف بيها الانسان الواحد......و الاخلاق الحميدة بينها لنا الدين فى القران و السنة عشان كده برضه انا مينفعش احطها فى مواجهة مع الدين عشان هيا من تعاليم الدين (ارجو انى اكون وضحت فكرتى)

العرف و الاخلاق هو ما اتفق عليه الناس لدنياهم و هو قد يتعارض أو يتوافق مع الشرع
مثال: اتفق الناس في بعض الارياف ان القرايب عيلة واحدة ، يعني ممكن راجل و مراته قرايب يروح لبيت ابن عمه مثلا و زوجته و برضه قرايب و كلهم يناموا في حجرة واحدة (طبعا ده مخالف للشرع) و بالرغم من ان المرأة صاحبة القصة منقبة فهي لاتري خطأ في الموضوع !!!!!!

الأخلاق الحميدة نسبية ، يعني مثلا في أمريكا يضع الرجل قدمه علي المكتب عادي بينما في مصر قلة أدب
يتكلم الرجل و المرأة في الجنس و في مصر لأ ، العادات البدوية مثلا تعتبر تخلف عند أهل الحضر ، في وجه بحري مفهوم الأخلاق متباين بوضوح عن وجه قبلي و دائما ما يري أهل الصعيد أهل بحري منفكين أخلاقيا
اولا بلاش حضرتك ديه عشان انا لسا طالب فى كلية يعنى زى اخو حضرتك الصغير و يا ريت تدعيلى عشان عندى امتحانات......

الله يكرمك و يوفقك في دراستك و في كل حياتك

بصراحة انا مش فاهم النقطة ديه..... ماهى القاعدة موضوعة عشان نطبقها ولا ايه؟؟؟؟
القاعدة تطبق علي العموم مش علي حالة واحدة

تماااااااااااااام انا مع حضرتك و فيه حاجات مينفعش يتسكت عليها زى السرقة و ...... و ........ بس الصوم محتاج اكثر الكلمة الطيبة و الموعظة الحسنة.

صوم رمضان عبادة أساسية و من أعمدة الاسلام الخمسة و الجهر بالافطار جهر بالمعصية و مسئولية ولي الأمر منع الجهر بالمعصية

اكيد اخوانا المسيحيين بيتفادوا الحكاية ديه مراعاة لشعورنا و انا بصراحة ليا اصحاب مسيحيين و عمرى مشفتهم غسلوا وشهم حتىو انا قاعد معاهم. بس ده مش يمنع ان احنا نسال بردو ....... و لكن فيه حاجات اهم بكتيير من ان ظابط يسيبها عشان واحد خو....اجة لا سائل فى دينه و لا الناس اللى صايمة و قاعد بياكل حاجات مثلا زى حرامى او سرقة او حادثة او تاجر بيرفع الاسعار و يحرقنا بيها و هكذا......
انا مع حضرتك انه مش من الادب و لا من الاخلاق الاكل كده و لو برخصة بس لو لقيت مثلا مريض بالسكر و اضطر انه ياكل محدش يقدر يقولو انتا بتعمل ايه!!!!!!!

ياكل في السر ، لازم ياكل في الشارع أمام الناس -أكيد نيته مش تمام سواء كان مسلم أو غير مسلم-
الاضطرار في الافطار و ليس في علانية الافطار
انا كان قصدى على معارضتى القانون مش السؤال و اسف انى موضحتش...... و مفيش حاجة فى الدين تامر بمعاقبة الفاطر و لكن فيه كفارة......
و الله أعلى و أعلم........