رد: اعرف منين ان التكييف بيفصل و يشتغل ( بيريح يعنى )
 

لسلام عليكم ورحمة الله وبركاتة
اولا التكييف لا يحتاج الى تسخين يعنى اول ما تشغل امشى عادى لاكن ما تضغط على السيارة زيادة السرعة يعنى لو بتحب الجرى افصل التكييف

وبلنسبة لمؤشر التحويل بين السخن والبارد الى هو الازرق والاحمر
عبارة عن بوابة لو عايز سخن تحول الى الاحمر والبوابة تقفل على الصاقع ولو عايز صاقع تحول الى الازرق والبوابة تقفل على السخن وانتة بتخليها بين الاتنين يعنى فاتح شوية سخن على شوية صاقع يعنى الترومستات مش حتحس البرودة مظبوط عشان تعطى اشارة الى الكومبروسر عشان يفصل لان الهواء مختلط بين سخن وبارد وحيطول وقت عمل الكومبروسر فنصيحة عند تشغيل التكييف ضع البكرة على نهاية الازرق وخد الهواء من الداخل واحسن طرق تشغيل على رقم واحد والسيارة واقفة وعلى اى رقم وانتة ماشى

وبلنسبة لكومبروسر الفيرنا
هناك نوعان الاتنين بساتم ولكن نوع لسيارة 1500 ونوع لسيارة 1600 النوع الاول تبريد جيد جدا ولكن اقل غلطة يفسد مثلا لو نقص علية الفريون شوية مش حيفصل ويبوز على طول ويطلع زيت اسود ورايش ويبوز داير التكييف كلها فنصيحة لو اى شخص شعرت ان التكييف لا يعمل جيدا او التبريد ضعيف افصل التكييف واتجة الى اى فنى تتعامل معة للكشف يعنى دايما وانتة واقف شغل التكييف على رقم واحد وشوف درجة البرودة تمام معناها توكل على الله لو مش تمام ما تقولش دلوقتى امشى ويشتغل او ممكن كمان شوية يبقى كويس لا طبعا فكرة غلط اما بلنسبة للفيرنا 1600 دة بقى من اجود انواع التكييفات ومهما حصل لا يحدث لة اى شىء تكييف للاعمال الشاقة

رد: اعرف منين ان التكييف بيفصل و يشتغل ( بيريح يعنى )
 

طيب ايه رأيك و تعليقك على تكييف جيلى امجراند7 و ملحوظات عليه و هل هو من النوع الجيد و لا لأ و شكرا على ردودك الكريمة

رد: اعرف منين ان التكييف بيفصل و يشتغل ( بيريح يعنى )
 

متشكر جدا جدا يا استاذ اشرف لاهتمام حضرتك
افدك اللة كام افتنا - و انشاء اللة ربنا يوسع رزقك يا رب
شكرا

رد: اعرف منين ان التكييف بيفصل و يشتغل ( بيريح يعنى )
 

طب اية رأى حضرتك فى موضوع عزل مواسير التكييف دة
هل فعلا هلاقى اداء احسن و اقوى
و فى ناس بتعمل محبس او حاجة بتلغى بيها السخن علشن تبريد اقوى بردو اية رأى حضرتك فى الكلام دة
انا بصيت دلوقتى على مواسير التكييف بلاقى حتة فيها عزل بخرطون اسود تخين و حتة بدون عزل بمواسير رفيعة جدا
شكرا

رد عن موضوع عزل خراطيم التكييف
 

فعلا هناك عزل لخراطيم التكييف ولكن العزل لاسباب مثلا عدم الانحكاك او لعدم وصول الحرارة للخرطوم من حرارة الفرن او من حرارة المحرك وهنا يتم العزل بعازل حرارى
واكيد سيكون شىء جيد وبلنسبة للمحبس والغاء الدفاية حاجة كويسة لو بوابة السخن الداخلية ما بتقفلش كويس وبتسرب الهواء الساخن على الصاقع تعمل محبس يوقف دخول المياة الى ريداتير الدفاية الداخلية لعدم اختلاط الهواء مع بعض وافتحها فى الشتاء موضوع جيد وان شاء الله الموفق

واسف للتأخير