|
رد: مقارنة بين فيات بونتو ورينو لوجان
اقتباس:
حضرتك محددتش ايه اللى يفرق معاك اكتر عشان نقدر ننصح حضرتك يعنى مينفعش انى اقول لحضرتك البونتو تمام وانت عندك اسره صغيره وبتسافر كتير مقلا هتبقى محتاج شنطه واسعه وموتور كبير عشان يستحمل السفر كتير او انك شاب ومش محتاج شنطه مثلا وممكن لو كانت موجوده تلغيها هى والكنبه وتحط مكانهم سماعات وجى امات والكلام ده وتستفيد بأن البونتو حجمها صغير وسحبها كويس على حجمها وموفره فى البنزين حضرتك حدد احتياجاتك وقولنا وبأذن الله نقدر ننصحك |
رد: مقارنة بين فيات بونتو ورينو لوجان
انا اسف معلش و شكرا على الأهتمام
انا مش محتاج الشنطة تكون كبيرة اوى انا اهم حاجة عندى المتانة و التقفيل و استهلاك الوقود و سعر اعادة البيع و الكماليات - و مش هتفرق معايا السعة و الحجم فى الأتنين لان السعة و الحجم لهما مناسبين معايا - و مش هتفرق الهاتشباك - و هل البونتو ايطالى 100% ولا اية بالظبط ؟ - و هل البونتو فول اوبشنز و لا اية ؟ |
رد: مقارنة بين فيات بونتو ورينو لوجان
اولا من حيث المتانه الاتنين كويسين التقفيل اكيد دى بترجع لكل انسان وذوقه وشايف التقفيل كويس بالنسبه ليه ولا لا بس الاتنين تقفيلهم فوق المتوسط
استهلاك الوقود اكيد البونتو اقل لانها 1200 سعر اعارده البيع الاتنين مش زى الكورى واليابانى والكلام ده سارى على معظم الاوروبى الكماليات واحد فى الاتنين باور تكييف سنتر زجاج كهربائى البونتو حسب ما سمعت انها 100% ايطالى بس هى اغلى من اللوجان والبونتو فول اوبشن مانيوال |
رد: مقارنة بين فيات بونتو ورينو لوجان
شكرا يا بوب الجامد على اهتمامك و المعلومات المهمة دة
|
رد: مقارنة بين فيات بونتو ورينو لوجان
شكرا على ردودكم ومشاركتكم
رجاء الافادة اى عربية افضل فى حدود 60 - 65 اهم حاجة المتانة انا مشوارى من مدينة نصر الى مدينة العبور فقط واحيانا اسافر سفريات قصيرة اريد عربية من حيث المتانة وقطع الغيار واعادة البيع شكرا |
| الساعة الآن 01:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017