رد: إلى خبراء أوبل (عندى كارثة )
 

أنا باشكركم جميعا على ردودكم ومواساتكم لى بس أنا زاد قلقى بعد ماقرأت موضوع في قسم أوبل على نايل موتورز لعضو حدثت معاه مشكلة في الأنسجنيا هي صحيح مختلفة عن مشكلتى بس بردو قالوا هانغير الموتور بس هو رفض وعمل شكوى في حماية المستهلك وبيقول أنهم بيحققوا مع الوكيل ولكن غالب الرأي أن أقصى مايمكن عمله هو تغيير الموتور وليس السيارة بجد أنا خايف يكون في عيب صناعة في النوع ده من السيارات ولو كان كده ليه يدخلوا عربية بالسعر ده مصر وهى فيها عيوب صناعة بجد انا مش عارف أعمل إيه ؟

رد: إلى خبراء أوبل (عندى كارثة )
 

حتى لو كان فيها عيب فى الماتور اكيد اكيد مش حيتكرر تانى اكيد الماتور اللى ركب مفيهوش العيب دا لان ببساطة هما الخسرانين و منطقى جدا اوبل عالجت الموضوع
و تغيير العربية مش حيفيد بالعكس تغيير الماتور افضل لان ممكن يتكرر مع العربية الجديدة لكن صعب يحصل تانى مع عربيتك
انا لو مكان حضرتك استمتع بالعربية لانها ما شاء الله احلى عربية فى مصر
بفكر اشتريها انا كمان

رد: إلى خبراء أوبل (عندى كارثة )
 

أستاذ أحمد على أشكرك على أهتمامك وردك على الموضوع ولكن خوفى مش بس الموتور الجديد يكون فيه حاجة أنا بقيت خايف يكون فيه عيوب أنظمة الأمان أو الفرامل أو أى شىء آخر وافضل كل شوية رايح جاى على التوكيل وبالمناسبة أنا نسيت أقول أنهم وعدونى بأنهم مع الموتور الجديد هيمدوا الضمان سنة إضافية + 20000كم ليصبح الضمان 4 سنوات أو 120000كم أيهما أقرب وديه الحقيقة حاجة كويسة طمنتنى بعض الشىء ولكن هل تبديل الموتور ممكن يأثر على السيارة من حيث الأداء أو التقفيل مايكونش زى الألمانى هى دى أكتر حاجة قلقانى

رد: إلى خبراء أوبل (عندى كارثة )
 

تسلم لذوق حضرتك
تركيب ماتور جديد ملوش علاقة بالتقفيل بمعنى ان علاقة الماتور بالعربية ما هى الا قواعد و فيش و وصلات سوائل لكن الماتور نفسه متقفل فى المانيا و العربية كمان و شيل ماتور و حط ماتور زيه زيى اى قطعة غيار انا معاك ان الموضوع major maintenance بس دا شغل كله من الكتاب و اتباع اجرائات الجودة
و هما مصلحتهم ان الشغل ميبقاش فيه غلطة
و انا و الله كنت بفكر فى حكاية الضمان ان المفروض يطول و حضرتك اكدت ان دا اللى حصل
و دا ياكد انهم واثقين من شغلهم و واثقين ان العيب مستحيل يظهر تانى او غيره او بسبب الشغل لان هما فى الاول و الاخر يهمهم ميرموش فلوسهم و سمعتهم فى الارض

رد: إلى خبراء أوبل (عندى كارثة )
 

ملحوظة هامة جدا جدا
اتاكد ان الموتور بتاعك لم يتم اصلاحة وتركيبة مره اخري علي انه جديد
انا لم اتعامل مع التوكيل بتاع اوبل من قبل لكن تفائلوا خيرا تجدوه ان شاء الله
بس الواضح انه توكيل كويس اداك عربية تمشي بيها حالك ودي خطوة جيدة من التوكيل