مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - في حدود 43000 جنيه (https://www.masrmotors.com/vb/showthread.php?t=12323)

رد: في حدود 43000 جنيه

اقتباس:

المشاركة الأصلية كتبت بواسطة hazem_khidr (المشاركة 71540)

العفو يا اخي الحبيب
اللانسر اللي بتكلم عليها موديل 98 او 97
و قطع غيارها رخيصه جدا و اعطالها شبه معدومه
شرط الحاله النضيفه .
اقتصاديه في البنزين لاقصي درجه (200 كيلو في الصفيحه داخل البلد و علي الطريق اكتر )
بالنسبه للكماليات اول فئه فيها تكييف و باور و الاعلي فول اوبشن و فيه منها
فول اوبشن و فتيس اتوماتيك.
السعر يتراوح ما بين 40 ال 50 الف حسب الحاله و الكماليات و الموديل

جزاك الله كل خير يا حازم بجد حطيت في اعتباري عربية مكنتش واخد بالي منها خالص لاني كنت متخيلها غالية جدا وقطع غيارها غالية برضه....وفعلا انا لو اتحطيت في الاختيار بين الكوري والياباني....هختار الياباني علي طووووول:HAPPY_~211:

رد: في حدود 43000 جنيه

اقتباس:

المشاركة الأصلية كتبت بواسطة AboNoRa (المشاركة 71541)

اتفق طبعاً مع حازم فى افضلية الانسر على الانوس والاتنين عامة مناسبين جداً كسيارة اسرة اقتصادية

واضيف للترشيحات الكيا برايد السيدان موديلات بعد 2000 او كسر زيرو موديلات بعد 2006

استهلاك بنزين اقتصادى جداً اكتر من 250 كم داخل المدينة

كماليات : تكييف - زجاج كهرباء امامى - مزيل ضباب خلفى - وبعض الموديلات فيها باور وفوج لايتس

علماً بان العربية من جوه واسعة وعفشتها اكثر من ممتازة

جزاك الله كل خير ابو نورا علي المرور

يعني بكدة من كلام حضرتك وكلام استاذ حازم وصلنا ان الانسر كرستالة افضل من الانوس وان كمان من المرشح للفلوس اللي معايا الكيا برايد سيدان موديلات مع بعد ال 2000 انا فعلا كنت شوفت عربية كيابرايد اسمها سيفيا تقريبا اعتقد هيا دي اللي قصدك عليها , كنت حاططها في الاعتبار الاول وبعد كدة عدلت عن الفكرة لان لقيت انها مش منتشرة في شوارعنا اوي زي الانوس والفيرنا والحاجات دي فخفت ليكون فيها عيوب او حاجة كدة , بس بما انك رشحتها يبقي ان شاء الله لانسر او كيابرايد حسب الفلوس بقي والمتاح ربنا يبعت

رد: في حدود 43000 جنيه

ياصباح الورد يا حازم بيه

ربنا يكرمك يارب انا كدة فهمت

بس تحس ان الكيابرايد السيدان دي صغيرة شوية؟,مقارنة بالكرستالة والدايو؟

هو الكيابرايد دي صناعة ايه اصلا؟

وايه الفرق بين السيدان والسيفيا؟,يعني عن نفسك تفضل انهي؟

انهاردة كنت بتفرج علي عربيات مستعملة علي موقع كدة,شفت ان الدايو نوبيرا ممكن تبقي ف حدود 47 الف ولا حاجة , يعني في سعر الكرستالة..اللي خلاني بقيت بفكر ما بين النوبيرا والكرستالة
النوبيرا:واسعة جدا
:1600CC
:صناعة كوري
:واي ميكانيكي بيفهم فيها
:قطع غيارها رخيصة
:بتعمل 210 كيلو تقريبا في الصفيحة مش عارف بالتكييف ولا لأ

الكرستالة:اعتقد صالونها مناسب
:1300 CC
:صناعة ياباني, يعني اوعا وشك
:زي محضرتك قلت اعطالها شبه معدومة
:قطع غيارها رخيصة
:تقريبا بتعمل نفس الكيلوات في الصفيحة؟ مش عارف

ايه رأي حضرتك؟
لو خيروك بين النوبيرا والكرستالة؟

انا عارف اني زهقتك,بس دي ضريبة الشهرة بقي,تحياتي:260309~146:

رد: في حدود 43000 جنيه

ولا يهمك يا باشا صباح النور
الكيا برايد فئه صغيره تعتبر من نفس فئه اللانوس لكن بابعاد اصغر قليلا
بالنسبه للمقارنه بينها و بين السيفيا ارشح السيفيا لو قطع غيارها متوفره في نطاق سكنك
يعني تيل الفرامل و السيور و قطع الغيار المعتاده علشان تعرف تتعايش معاها في اي موقف
ما تضطرش تركن العربيه لحد ما تسافر تجيب قطعه غيار و تيجي فاهمني؟؟
بالنسبه للنوبيرا و اللانسر
بصراحه انا معايا لانسر كريستاله و جايبها ب 50 الف جنيه لان حالتها ما شاء الله حلوه
بالتمن دا كان قدامي اجيب نوبيرا 2001 او اكتر او كورولا عيون او سحليه او او او ... .
ولعلمك اللانسر حجمها نفس حجم النوبيرا ان لم تكن اعرض منها كمان بس زوياها الحاده بتبينها اصغر من حجمها.

لكن موديل الكريستالبه في اللانسر حلو و كمان حاله العربيه شجعتني اني اجيبها و ما اشتريش عربيات
ممكن تكون اعلي منها في الاوبشن و الموديل و بنفس السعر!!!

الخلاصه
شوف العربيه اللي تريحك و اهم حاجه الحله النضيفه علشان انت بتقول عربيه سفر
فمفيش مكان للمفاجآت علي الطريق