|
رد: إهتزاز عنيف على الثالث
طيب الميكانيكى رحتله تانى و قولتله عالمشكله دى, قاللى رصص عجل كويس
و قالى لو الرجه على 40 يبقى ترصيص لو 80/90 يبقى الكاوتش بايظ لو فوق الـ 100 يبقى ضبط زوايا ---------------------- رجعت على بتاع كاوتش ركب العربية و ساقها بنفسه و قالى مفيش حاجه طلعت من عنده على العفشجى برضه بيقولى مفيش حاجه بس أنا متأكد إن فيه رجرجه على سرعة 40 لدرجة إنى من غير ما أبص عالعداد ,بقيت أول ملاقى الكرسى بيتهز بيا أعرف إن العداد على 40, و فعلاً بيكون على 40 كم/س يعنى دى مش تهيأت فى ناس بتقول على ما الكرسى و الصلايب تطبع و فى ناس بتقول لو فى حاجه غلط هتلاقى الرجه فى كل الغيارات و بتزيد مع السرعة العالية و الكلام كتير و كالعاده بدأت أتوه و أتعقد و أقفل |
رد: إهتزاز عنيف على الثالث
معلش يا جماعة إستحملونى شويه, عاوز أفهم
دلوقتى عندى Vibration إهتزاز على سرعة 40 بالضبط, سواء حارق عالثانى, أو الثالث أو عالمور رحت أرصص الأول (بما إن الترصيص أسهل من حوار الكردان) و بعد لف و دوران على البنزينات طلع الترصيص لازم بجهاز إسمه الحصان (الفنى بيبقى قاعد علية زى الحصان و يرفع العربية و يدخل يرصص العجل بالدوران السريع و ده إللى بيرصص كل العربيات القديمة : لادا -128 -شاهين - ....إلخ) و ملقيتوش غير فى بنزينة واحده و القنى بيشتغل من بعد المغرب, مكنتش فاضى أروحله. المهم دلوقتى علشان متوهش: ================ هل رفى الكردان بتظهر فى كل السرعات و لا سرعه محددة؟ و هل ترصيص العجل لما إهتزاز العربية يكون على السرعات العاليه و لا فى أى سرعه؟ - يعنى من الآخر: إللى عندى ده ترصيص و لا رفه؟ و آخر طلب: أعرف إن متخصصين رفة الكردان فى القاهرة 2: - كمال بتاع الظاهر و واحد فى الملك الصالح, عاوز تليفون أو عنوان بتاع الملك الصالح لو حد يعرفه لأن ده الأقرب لى. و تجنباً للمشاكل الأمنية للطرق فى وسط المدينه. |
رد: إهتزاز عنيف على الثالث
up up up
و منتظر الرد |
رد: إهتزاز عنيف على الثالث
فى الغالب طوت الطقة الى فى الكردان ده بيكون فى الصليبة ... و نصيحة من ميكانيكى قديم ... الصليبة دى لازم تتغير ... مينفعش فيها اعادة الاصلاح و التركيب
فى اعتقادى الشخصى .... الرفة الموجودة فى الكردان ... تظهر عند سرعة معينة و بعد كدة تزيد و تزود الاهتزاز .. و بالتالى تبوظ البلى و الصلايب تانى الترصيص ده حاجة اساية ... حضرتك تعمله ... مش حيخسر انا متابع مع حضرتك ... ربنا معاك .. الموضوع حيكون فيه شوية تعب |
رد: إهتزاز عنيف على الثالث
السلام عليكم مادام الرجه في جسم العربيه وعند سرعه اقل من 70 يبقي عيب في الكردان ولو الرعشه في الدركسيون وبين 80 الى 100 يبقي ترصيص العجل الأمامي ولو الرعشه في الدركسيون عند 120 او فوق يكون العجل الخلفي يحتاج ترصيص انما الرعشه في جسم السياره يكون العيب في الكردان وليس العجل والله المستعان |
| الساعة الآن 10:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017